«Қайрат» венгриялық футболшымен толықты

Венгрияның «Диошдьер» ұжымында ойнаған Акош Элек Алматының «Қайрат» командасына ауысты, деп хабарлады vesti.kz. Футболшының елімізге келгені осыған дейін хабарланған. Медициналық тексерістен өткеннен кейін «Қайратпен» келісімшартқа отырады. Transfermarket.de мәліметі бойынша 28 жастағы жартылай қорғаушының трансферлік құны 800 мың еуроны құрауы мүмкін. «Осыған дейін бірнеше рет өзге елде доп тепкім келетінін айтқанмын. Енді міне, мақсатыма жетіп отырмын. Шынымды айтсам, Шығыс Еуропа елдерінің біріне жол тартқым келді. Бірақ ұсыныс болмады. Ал Қазақстан премьер-лигасы соңғы жылдары қарқынды түрде дамып келеді. Өзімді жақсы қырымнан көрсететін үлкен мүмкіндік туып тұр», – деді Акош Элек. Айта кетейік, жартылай қорғаушы футболшылық жолында Венгрияның «Казинцбарцика», «Видеотон», Қытайдың «Чанчунь Ятай», Түркияның «Эскишехирспор» секілді командаларында ойнаған. Ал Венгрия ұлттық құрамасының сапында 40 матчқа қатысқан. Былтыр Францияда өткен Еуропа чемпионатында 1/8 финалға дейін жеткен болатын.