Жауапкершілік тетігі нығаяды

Қазіргі таңда қолға алынып жатқан өзгерістер – бұл маңызды, тарихи жағдай. Себебі, Президент өзінің өкілеттігін Үкімет пен Парламентке беруге ниет танытып отыр. Сол арқылы жауапкершілік жүктелмек. Оның ішінде Парламент Мәжілісінің өкілеттігін арттыру арқылы да үлкен жауапкершілік жүктеліп отыр. Себебі, заң нормаларының игілігін ең алдымен, халық көруі тиіс. Ол үшін халықтың өзі сайлаған Парламент депутаттары өз жұмыстарын белсенді әрі айрықша ыждағаттылықпен атқара білуі қажет. Бұған қоса, Парламент Үкіметтің жұмысына бақылау жүргізетін болады. Мәселен, Үкіметті жасақтау, министрлерді тағайындау, Үкімет қабылдаған мемлекеттік бағдарламалардың дер кезінде әрі нәтижелі орындалуын қадағалау секілді мәселелер мемлекет үшін, халық үшін айрықша маңызды. Жалпы, бұл конституциялық реформа еліміздегі билік тармақтарының тетігін күшейту арқылы мемлекетіміздің саяси жүйесін демократияландыруға, оны алға қарай ілгерілетуге сеп болары анық. Бақтияр МӘКЕН, Парламент Мәжілісінің депутаты