Қазақстан бастамалары басқаларға үлгі

Қазақстанның Румыниядағы Төтенше және өкілетті елшісі Дәулет Батырашев осы елдің Сыртқы істер министрі Теодор-Виорел Мелешканумен кездесіп, екі елдің арасындағы дипломатиялық қатынастардың 25 жылдығын алдағы 15 шілдеде мерекелеу жөніндегі екіжақты ынтымақтастықтың жай-жапсарын талқылады. Бұл туралы Қазақстан Сыртқы істер министрлігінің баспасөз қызметі хабарлады. Қазақстандық ел­ші Румынияның сырт­қы саясат ведомство­сының басшысына елі­мізде жүргізіліп жатқан билік тармақ­тары арасында өкі­лет­тіктерді қайта бөлу жөніндегі консти­ту­циялық реформа туралы, Президенттің «Қазақстанның Үшін­ші жаңғыруы: жаһандық бәсекеге қабілеттілік» атты ел халқына Жолдауының негізгі қағидалары және Елбасы ұсынған Бес инс­титуттық реформаны іске асыру жөніндегі «100 нақты қадам» Ұлт жоспарының орындалу барысы жөнінде әңгімелеп берді. Сондай-ақ, тараптар алда­ғы өтетін ЭКСПО-2017 халық­аралық мамандандырылған көр­ме­сіне Румынияның қатысу мәсе­лелерін, Қазақстанның әлемдік деңгейдегі бастамаларын, Қазақстанның 2017-2018 жылдар­дағы БҰҰ Қауіпсіздік Кеңе­сіндегі тұрақты емес мүшесі ретін­дегі қызметін талқылады. Теодор-Виорел Мелешкану өз ке­зегінде Қазақстанның сырт­қы саяси бағыттарын және Пре­зидент Нұрсұлтан Назар­баев­­тың халық­ара­лық бас­тамаларын жоғары бағалап, олар­дың өзектілігі мен маңыз­дылығын атап өтті. Бұдан бөлек, министр Елба­сы ұсынған конс­ти­ту­ция­лық реформалар жөнінде сөз қозғай келіп, Нұрсұлтан Назарбаев­тың ұсы­ныстары Қа­зақ­стан қо­ғамы үшін аса маңызды екенін жет­кізді. Оның айтуынша, Қазақ­станның демократияландыру ба­ғытындағы қадамдары Еуро­одақ елдері тарапынан кеңінен қолдау табады. Бұл оң өзге­рістер Қазақстан мен Еуро­одақ арасындағы әріптестік пен ын­тымақтастықты одан әрі жандандыра түседі. Бұған қоса, Т.Мелешкану Президент Н.Ә.Назарбаевтың көреген басшы екеніне, биылғы Жолдаудың маңыздылығына тоқтала келіп, экономикалық дамудың қазақстандық моделі мен елдің саяси жаңғыру қарқыны посткеңестік елдерге, әсіресе, Орталық Азия аймағындағы мемлекеттерге үлгі бола алатынын жеткізді.