Студенттер үнемдегiш шам құрастырды

Кентау политехникалық колледжiнiң студенттерi робот құрастырып шығарды. Арнайы бағдарламалар арқылы қозғалатын робот алдындағы кедергiлерден кiдiрмей өте алады. Лазерлi жарық арқылы жолының ашықтығын айқындап, бұрылатын бағытын белгiлейдi. Құрылғылары шет елден алынған. Дегенмен, де, құрастыру, бағдарлама енгізу жұмыстарын оқу ор­нының жастары жүргiзген. – Роботқа қандай бағ­дарламаны орнатсақ, соны орындайды. Тiптi, төбесiне камера қойып, видео түсi­руге де мүмкiндiк бар. Видео­ларды жазып алатын арнайы құрылғы флешкаға да орын қарастырылған. Әлi де қозғалу жүйелерiн, көр­сететiн қызметiн жетiлдiре түсемiз. Бұл жастардың элек­тротехника, физика, математика сабақтарына қызығушылығын арттырады, – дейдi колледждегi робототехника үйiрмесiнiң жетекшiсi Сергей Соловьев. Оқу орнындағы тағы бір тосын жаңалық – үнемдегiш шамдардың құрастырылуы. Мұны да студенттер жасап шығар­ған. Қытайдан арнайы ал­ды­рылған қо­сымша құ­рылғыларды пай­даланған жастар теория жүзiнде алған бiлiмдерiн тәжiрибемен шыңдауда. – Бұрын бiзде ескi шам­дар тұрған. Шығын көп едi. Өзiмiздiң жастар құрастырған шамдар 5 есе үнем бередi. Колледждiң iшi-сыртындағы шамдар­дың барлығын да ауыс­тырып қойдық. Ендi Кентау трансформатор зауы­­тындағы үлкен про­жек­­торларды осы жүйе­ге көшi­руге келiсiм жасап жа­тыр­­мыз, – дейдi колледж ди­ректоры Талғат Андабай. Қайрат ЗАЙНИШЕВ Оңтүстік Қазақстан облысы