«Ливерпульдің» бұрынғы ойыншысы бапкерлік жолы туралы айтты

«Ливерпуль» командасының бұрынғы капитаны Стивен Джеррард клубтың жастар ұжымына жаттықтырушы болғаннан кейін арманы жайлы айтып берді. Бұл туралы eurosport.ru хабарлады. «Мұндай жауапты қызметке орналасқаныма аздап қобалжып жүрмін. Әлі үйренерім көп, сондықтан бапкер ретінде даму үшін қолымнан келгеннің барын жасаймын. Күндердің бірінді көзі қарақты жаттықтырушылардың бірі немесе бас жаттықтырушы болсам деймін. «Ливерпульдің» негізгі құрамына жетекшілік ету, шамасы менің үлкен арманымның бірі болар. Бірақ ол күнге жету үшін әлі талай сыннан өтіп, шыңдалуым  қажет», – ағылшын футболшысы. Ал жанкүйерлердің ыстық ықыласына бөленген «қызылдардың» бас бапкері Юрген Клопп оның бұл арманына жету үшін, білікті маман иесі атану үшін көмектесетінін айтты. «Стивен екеуіміз ұзақ әңгімелестік. Ең бірінші оның басты мақсатын білгім келді. Ол ойланбастан футболда өзіндік орнын қалыптастырған жаттықтырушы болуды армандайтынын айтты. Жұрт оның қандай футболшы екенін жақсы біледі. Ал енді жаңа жолда оған білгенімнің бәрін үйретуге уәде беремін», – деді Клопп. Айта кетейік, футболшылық ғұмырын дәл осы клубтан бастаған Джеррард 18 жылдың ішінде 710 матчқа қатысып, 185 голдың авторы атанған.