15 Қараша, 2016

Журналистерге арналған семинар

155 рет көрсетілді
Астанада Дін істері және азаматтық қоғам министрлігі Дін істері комитетінің ұйымдастыруымен «Дін саласындағы мемлекеттік саясатты жария етудегі БАҚ рөлі» тақырыбында журналистер үшін семинар-тренинг өтті. Жиынды ашқан Дін істері комитеті төрағасының орынбасары Ғабит Абзалбек бірінші кезекте журналистерге арналған мұндай семинар-тренингтерді дәстүрлі түрде өткізіп отыратынын айта келіп, дін саласындағы мемлекеттік саясатты өз деңгейінде жүргізу ісінде бұқаралық ақпарат құралдарының айрықша орын алатынын жеткізді. Одан әрі Ғ.Абзалбек азаматтардың діни сенім бостандықтарын сақтау, елімізде діни тұрақтылықты орнықтыру, жастарды маңызды әлеуметтік жобаларға жұмылдыру бағытындағы мемлекеттік саясаттың маңыздылығына екпін берді. Семинар-тренингте «Қазақстан» Республи­калық телерадиокорпорациясы» АҚ басқарма төрағасының орынбасары Қайнар Олжай «Дәстүрлі дін және дәстүрлі ақпарат құралдары» тақырыбында баяндама жасады. Қ.Олжай өз сөзінде журналистерге қажетті ақпарат­тар­мен бөлісе отырып, «Алдымен, жур­на­листердің өзіне терең білім керек. Жур­налистика факультеттеріне дінтану са­бағын түпкілікті оқыту үшін арнайы топтар құрмай болмайды. Кезінде журналистика факультетінде халықаралық тақырыптарды жазуға бейімделген топтың арнайы курсы болды. Біз сол курстан сабақ алдық. Сондықтан, журналистерді діни тақырыпқа дайындау­ды қолға алу керек», – деді. Сонымен қатар, Қ.Олжай жур­налистердің құқық қорғау қыз­мет­­кер­лері­нің жағымды бейнесін жасауға көңіл бөлуі қажеттігіне тоқтала келіп, «Осы ретте радикалды дінмен күресте құқық қорғау органдарына көмек керек. Ол көмекті журналистер құқық қорғау қызметкерлерінің жағымды бейнесін жасау арқылы көрсетеді. Өйткені, экстремистік топтардың басты нысанасы полиция, сот, әскери құрылымдар екенін Ақтөбе, Алматы, Тараз қалаларында болған қарақшылық оқиғалар анық аңғартты. Құқық қорғау қызметкерлері соққыны бірінші болып өздеріне қабылдап қоймады, басқа бейбіт тұрғындарды құрбан болудан сақтап қалды. Осыны қоғам сезіну керек, миллиондаған отандастарымызға сезіндіру керек», – деді. Бұдан кейін Ақпарат және комму­ни­кация­лар министрлігі жанындағы «Талдау және ақпарат орталығы» РМК директорының орынбасары Михаил Комиссаров, «Bnews» ақпараттық порталы бас редакторының орынбасары Салтанат Тоқабекова сөз сөйлеп, діни экстремизм мен терроризм қауіп-қатерлерін, осы бағыттағы ақпараттарды ұсынуда негізгі назар аударылуы тиіс жағдаяттарды сөз етті. Олардың сөздеріне қарағанда, дін саласындағы ақпараттарды жариялаудағы жіберілген қателіктер қоғамда әр түрлі түсінбеушіліктер тудырады. Жиын барысында қатысушыларға Дін істері және азаматтық қоғам министрлігі Дін істері комитеті дайындаған діни экстремизм мен терроризмге қатысты мәселелерді БАҚ-та жариялау бойынша әдістемелік құралы ұсынылды. Жолдыбай БАЗАР, «Егемен Қазақстан»
Соңғы жаңалықтар

Мәні ерекше семинар

Саясат • Бүгін, 08:28

Қараусыз бала қайдан шығады?

Саясат • Бүгін, 08:26

Қоғамдық бақылау күшейеді

Саясат • Бүгін, 08:24

Fitch растады

Экономика • Бүгін, 08:22

Жеке тұлға банкроттығы

Қоғам • Бүгін, 08:14

Барлық үйге жылу берілді

Аймақтар • Бүгін, 08:12

Жылыту құралдары жөнелтілді

Аймақтар • Бүгін, 08:10

Еңбек пен тәрбие – егіз ұғым

Аймақтар • Бүгін, 08:06

Қайта күшейген коронавирус

Коронавирус • Бүгін, 08:04

Оқу ордасының белесі

Аймақтар • Бүгін, 08:02

Тарихы терең, білімі берен

Білім • Бүгін, 08:00

Сырбаз суреткер

Әдебиет • Бүгін, 07:59

Қажымұқан мен Карл

Әдебиет • Бүгін, 07:56

Аңызға бергісіз ғұмыр

Қоғам • Бүгін, 07:54

Құндызға құрылған фототұзақ

Аймақтар • Бүгін, 07:48

Тау-тау қоқыс кәдеге жараса...

Экология • Бүгін, 07:46

Мәдени демалыс

Қоғам • Бүгін, 07:44

Суреттегі ой сәулесі

Өнер • Бүгін, 07:40

Жүлдегер атанды

Спорт • Бүгін, 07:38

Кіші «күміске» ие болды

Спорт • Бүгін, 07:36

Жеңіс жалғасын тапты

Спорт • Бүгін, 07:34

Тартысқа толы турнир

Спорт • Бүгін, 07:30

Ұлт ұстазы ұлықталды

Ахмет Байтұрсынұлы • Кеше

Алматының ауасы

Экология • Кеше

Ұқсас жаңалықтар