Теңге • 12 Қазан, 2023
Цифрлық теңге SWIFT жүйесімен интеграцияланады
Таяуда SWIFT (ақпаратты берудің және төлемдер жасаудың халықаралық банкаралық жүйесі) өз экожүйесі арқылы орталық банктердің цифрлық валюталарын интеграциялау бойынша қанатқақты жобаны іске қосты. Жобаға Қазақстаннан Ұлттық банк те қатысады. Сарапшылардың айтуынша, жоба сәтімен жүзеге асқан жағдайда цифрлы теңге үшін де, Қазақстанның төлем жүйесі үшін де жаңа мүмкіндіктер ашылады.
Қаржы • 12 Қазан, 2023
Ұлттық банктің болжамды саясаты
Ұлттық банк базалық пайыздық мөлшерлемені жылдық 16%-ға дейін төмендету туралы шешім қабылдады. Ақша-несие саясаты комитетінің хабарлауынша, бұған ең бірінші кезекте орталық банктердің тежеу саясаты мен азық-түліктің әлемдік бағасының арзандауы аясында біртіндеп төмендеп келе жатқан сыртқы инфляциялық қысымның бәсеңдеуі себеп болған. Жыл соңына дейін жылдық инфляция бір мәнді деңгейге дейін баяулаған жағдайда ғана ақша-кредит саясатын жеңілдету шаралары қаралады деп түсіндіреді.
Банк • 12 Қазан, 2023
Халықаралық агенттіктер бағасы
Қазақстанның банк секторы соңғы бірнеше жылда айтарлықтай даму мен өсім көрсетті. 2020 жылдан бері бүкіл әлемде жалғасып келе жатқан дағдарыс толқындары да салаға кері әсерін тигізген жоқ: отандық қаржы институттары реформалар, бірігу және шоғырландыру бойынша қажетті рәсімдерді жүргізе отырып, барлық сын-қатерге дер кезінде тұрақты түрде тойтарыс берді деп есептейді сала сарапшылары.
Экономика • 05 Қазан, 2023
Осы жылдың көктемінде әлеуметтік маңызы бар азық-түлік тауарларының (ӘМАТ) тізіміндегі бірқатар өнімдердің бағасы төмендей бастады: қарақұмық жармасы, картоп, сәбіз, пияз, қант және тауық еті арзандады. Бұл үрдіс жалғасын тауып, маусымның соңында 1,5 жылда алғаш рет әлеуметтік маңызы бар азық-түлік тауарларының бағасы апталық мәнде төмендеді. 2023 жылдың бірінші жартыжылдығында ӘМАТ бағасының индексі 4,2%-ды құрады және бұл 2022 жылдың ұқсас кезеңінен 4 есе төмен болды (17,2%).
Экономика • 03 Қазан, 2023
Қоғамдық тамақтану нарығындағы өзгерістер
«The Business Research Company» деректері бойынша 2022 жылы қоғамдық тамақтандырудың әлемдік нарығының көлемі 2 855 млрд доллар болды. Егер оның орташа жылдық өсу қарқыны 5,8%-ды құрайтын болса, 2027 жылға қарай 3 790 млрд долларға жетеді деп күтіліп отыр. Айта кетейік, жылдам қызмет көрсететін мейрамханалар фастфуд мейрамханаларды, пиццерияларды, кофеханаларды, фуд-тректерді, фуд-корттарды және өзіне-өзі қызмет көрсету дүкендерін қамтиды. Олар келушілерге жылдам, сапалы қызмет көрсетуге маманданады және тағамды сол жерде отырып ішіп-жеуге немесе алып кетуге болады.
Қоғам • 03 Қазан, 2023
Көлікті ерікті сақтандыру арта түсті
Еліміздегі жеңіл автокөлік саны 4,4 млн-ға жеткен. Бұл былтырғы көрсеткіштен 11,4 пайызға немесе 444,6 мыңға артық. Соның арқасында автокөлікті сақтандыру нарығы да айтарлықтай өскен: 2023 жылдың қаңтар-шілде айларында автокөлікті ерікті мүліктік сақтандыру бойынша сыйлықақылар көлемі рекордтық көрсеткішке жетіп, 63,9 млрд теңгені құрады, бұл былтырғы сәйкес кезеңмен салыстырғанда бірден 2,4 есе көп.
Қаржы • 03 Қазан, 2023
Құн салығының мөлшері арта ма?
Жаңа Салық кодексін әзірлеу аясында қосымша құн салығы (ҚҚС) мөлшерлемесін көтеру мәселесі қызу талқыланып жатыр. Ұлттық экономика министрлігінің жоспары бойынша ҚҚС мөлшерлемесі қазіргі 12 пайыздан 16 пайызға көтерілуге тиіс. Министрлік ұсынылып отырған мөлшерлеменің ұлғаюы бюджетке 2,4 трлн теңге түсіреді, сондай-ақ көрші елдерден жеткізілетін тауарлармен салыстырғанда отандық тауарлардың бәсекеге қабілеттілігін арттырады деп санайды. Алайда сарапшылар қауымы бұл уәжбен келіспейтін сыңайлы.
Өндіріс • 28 Қыркүйек, 2023
Мемлекет отандық қағаз өнеркәсібін дамыту үшін қорғау тетіктерін іске асырып отыр. Мәселен, қазіргі уақытта кеңсе қағаздарын шетелдік өндірушілерден сатып алуға тыйым салынған. Бұл шектеу екі жылға жарамды. Бұл салада еңбек ететін кәсіпорындардың көбі майлық, сүлгі, орамал және тұрмыстық қағаздар өндіреді. Ал кеңсе қағазын өндірумен төрт кәсіпорын айналысады.
Саясат • 26 Қыркүйек, 2023
Елімізде «Иннопром. Қазақстан» атауымен халықаралық өнеркәсіптік көрмесі басталды. Аумағы атшаптырым – 12 мың шаршы метрді алатын алып көрме кешенінде Қазақстан мен Ресейден бөлек тағы бірнеше елдің өнеркәсіп және сауда саласындағы жобалары қойылмақ. Көрме аясында бірқатар жиын жоспарланған, соның ішінде транспорт, авиация, энергетика, көлік құрастыру, химиялық өнеркәсіп және металлургия тақырыптары бойынша кең ауқымды пікірталастар мен жиындар ұйымдастырылады. Алғашқы күні Қазақстан, Қырғызстан, Беларусь және Ресей елдерінің үкімет басшылары пленарлық сессияға қатысып, күн тәртібіндегі өзекті мәселелерге назар аударды.
Инвестиция • 21 Қыркүйек, 2023
«Wabtec» елімізге 1 млрд доллар инвестиция салады
Мемлекет басшысы Қасым-Жомарт Тоқаевтың «Wabtec» компаниясының президенті және бас атқарушы директоры Рафаэль Сантанамен кездесуінде Қазақстанның теміржол саласын реконструкциялау мәселесі сөз болды. Әлемнің 50 елінде жұмыс істейтін, құрамында 27 мыңнан аса қызметкері бар, Fortune 500 тізіміне кіретін және транспорт пен логистика саласындағы жаһандық көшбасшы саналатын «Wabtec» компаниясы Қазақстанға инвестиция салуға ниетті.
