Күрес • 19 Наурыз, 2024
Алматы облысы Қарасай ауданында өткен жылы ғана қолданысқа берілген заманауи Олимпиадалық даярлау орталығында грек-рим, еркін және әйелдер күресінен Қазақстан Республикасының чемпионаты салтанатты түрде ашылды.
Аймақтар • 18 Наурыз, 2024
Жұртшылық асыға күткен көгілдір көктемнің ұлы мерекесі – әз Наурыз Қонаев қаласында да кең көлемде басталды. Қала жұртшылығы «Көрісу күнін» айрықша атап өтті. Ұлттық салт-дәстүрімізбен қатар, ұлттық тағамдарымызды насихаттау мақсатында «Бауырсақ party» ұйымдастырылып, қала қонақтарына дәмі тіл үйірер 2000 келі бауырсақ пісіріліп, үлестірілді.
Туризм • 15 Наурыз, 2024
Көлсайдың көркіне нұқсан келмесін
Көкпен иық тірескен қарағайлы таудың ортасында көздің қарашығындай болып мөлдіреп жатқан «Көлсай көлдерін» қызықтаушылардың қатары жылдан жылға артып келеді. Жыл он екі ай адам аяғы арылмайтын бұл аймақ – Алматы облысының ғана емес, отандық туризмнің қайнар көзі десек қателеспейміз. Себебі бұл өңірге алты құрлықтан ағылатындар көбейген.
Аймақтар • 15 Наурыз, 2024
Көктем келгелі қарғын судан келер қауіптің алдын алу мақсатында Алматы облысында бірқатар жұмыс атқарылды. Бұл мақсатта су тасқыны кезеңіне дайындық іс-шаралары жоспары бекітілген.
Айбын • 14 Наурыз, 2024
Іле ауданының Ащыбұлақ ауылдық округіндегі 97617 әскери бөлімде «Әскер болғым келеді» атты іс-шара ұйымдастырылды. Басқосудың мақсаты – жастардың бойында патриотизмді қалыптастыра отырып, жоғары моральдық-психологиялық қасиеттерге тәрбиелеу, жас ұрпақты әскери қызметкердің жұмысымен және оның қыр-сырымен таныстыру.
Аймақтар • 14 Наурыз, 2024
Тәуелсіз ел атанғанымызға отыз жылдан асса да, осы күнге дейін Іле ауданына қарасты «Комсомол», «Чапаев» деген кеңестік кездегі атауларынан ажырамаған елді мекендердің барын біліп, таңданысымызды жасыра алмаған едік. Көптің көкейінде жүрген бұл мәселенің түйіні шешіліп, аталған ауылдардың жан жадыратар жаңа атауларға ие болғанына жалпақ жұрт қуанып жатыр.
Медицина • 11 Наурыз, 2024
Оқыс жағдайдағы сәтті операция
Кешегі күнгі жер сілкінісі кезінде ақ желеңді абзал жандардың антына адалдығы мен өз ісіне беріктігі қызу талқыланып, операция үстеліндегі жұмыстарын еш алаңсыз сәтті аяқтап шыққандарына жұрт алғысын жаудырды.
Өнер • 10 Наурыз, 2024
Әдемілік әйелге тән. Көктемнің қызғалдағындай құлпырып кететін қыз-келіншектердің ажарын ашатын алқа, жүзік, сыңғырлы сырғасын жасауда өзіндік өрнегін қалыптастырып, бәсекелестікте бәсі жоғары тұратын қолөнер шебері Меруерт Ермекованың есімі елге таныс. Қолөнер шеберінің «Алтын тас» аталатын брендтік бұйымдары әрдайым сұранысқа ие. Табиғаты көркем Талғар қаласында тұратын Меруерттің көрер көз қызығарлық сәукеледен бастап, білезік, шекелік, өңіржиек, алқа, шашбау сынды әшекей бұйымдары еліміздің әр түкпіріне жөнелтіледі. Қолөнер шеберінің осы жылдар ішінде жасаған жүздеген бұйымдары өз тұтынушыларын тапқан.
Тәрбие • 08 Наурыз, 2024
Қарадала төсінде кіндігі кесілген Күлпара Жуашқызының жүріп өткен жүзжылдық жолы тарих таспасына таңбаланып келеді. 1922 жылы Шошанай аулында дүние есігін ашқан дала перзенті – ес біліп, етек жиғалы халқымыздың басынан өткерген қиын-қыстау кезеңдердің куәсі ғана емес, ауыртпалығын да арқалаған аяулы жан.
Жастар • 08 Наурыз, 2024
«Бата алсам, бақытқа бөленемін»
Жиырма екі жастағы бойжеткен Вера Плетнева мақал-мәтелдеп сөйлегенде сөздің майын тамызады. Еңбекшіқазақ ауданының Ақжал ауылында дүниеге келген орыс қызы Құрөзек орталау мектебіне 1-сыныпқа барып, алғашқы әліппені қазақ тілінде таниды. Алғыр қыз алдына айқын мақсат қойып, мектептен соң Қонаев қаласындағы Қапшағай көпсалалық колледжінің «модельер дизайнер» мамандығына оқуға түседі.
