Аймақтар • 02 Қараша, 2023
Киелі Түркістанның жалпы аумағы кейінгі үш жылда 19,6 мың гектардан 22,4 мың гектарға ұлғайып, халық саны 220 мыңнан асты. Осыған байланысты тұрғын үй құрылысының қарқынын бәсеңдетпеу – басты назарда. Бұл орайда биыл 5966 пәтерді пайдалануға беру жоспарланған.
Аймақтар • 02 Қараша, 2023
«Жасыл белдеу» 30 мың гектарға жетеді
Түркістан облысындағы экологиялық жағдай салыстырмалы түрде қолайлы болып саналады. Облыс бойынша зиянды заттар шығарындыларының нақты көлемі биылғы 9 айда 14,3 мың тоннаны құрады. Экологиялық проблемаларды шешу бойынша «Жол картасына» енген 21 іс-шараның 9-ы орындалған. Рұқсат етілмеген полигондардың өсуі, қатты тұрмыстық қалдық полигондарының нормаларға сәйкес келмеуі – өңірде өзекті мәселе. Космомониторинг аясында биыл өңірде 414 полигон анықталып, оның 87%-ы жойылды.
Шаруашылық • 01 Қараша, 2023
Түркістан облысы тауарлы балық өндіруден республика бойынша көш басында. Балық шаруашылығын дамытуға мемлекетте қолдау көрсетіп келеді. Мысалы, аква өсіру бойынша жергілікті бюджеттен 500 млн теңге қарастырылып, 31 шаруашылыққа субсидия берілген. Бұдан бөлек инвестициялық салымдарды субсидиялауға биыл республикалық бюджеттен 226,2 млн теңге қарастырылып, тиісті жұмыстар атқарылып жатыр. Балық шаруашылығымен айналысатын 14 кәсіпкер «Түркістан ӘКК» акционерлік қоғамы арқылы 5,4 млрд теңге көлемінде жеңілдетілген несие алу бойынша құжаттарын өткізген. Оның ішінде, 4 шаруашылыққа 1,6 млрд теңге несие беру қолдау тапқан.
Жоба • 01 Қараша, 2023
Инвестициялық жобалар пысықталды
Түркістан қаласына кіреберіс тұстағы өндіріс аймағында көкөніс сақтайтын заманауи қойма салынбақ. Келесі жылдың алғашқы жартыжылдығында ел игілігіне тапсырылатын қоймада жалпы 4 мың тонна көкөніс, оның ішінде 2 мың тонна картоп, 1 мың тонна пияз, 250 тонна сәбіз сақталады. Сонымен бірге қырыққабат сақтайтын камералары да іске қосылады, 35 адам жұмыспен қамтылады. Ал 500 тонна көкөніс құрғақ қоймада орналастырылады.
Аймақтар • 01 Қараша, 2023
Инфрақұрылымды жаңғырту – жаңа экономикалық үлгіге көшу жолы
Халық саны жыл сайын қарқынды түрде өсіп келе жатқан Түркістан облысында тиісінше инфрақұрылым нысандарына деген қажеттілік артып жатыр. Бұл орайда облыс әкімдігі барлық мүмкіндікті пайдаланып, тұрғындардың жайлы тұрмысын қамтамасыз етуге басымдық беріп келеді. Алайда өңір халық сұранысын жақын арада және толық қанағаттандыру үшін қаржылай қолдауды қажет етеді. Мемлекет басшысы Қасым-Жомарт Тоқаев биылғы Жолдауында инфрақұрылымның әбден тозуы халықтың тұрмыс сапасына тікелей әсер ететінін, индустрияландыру қарқынын да тежейтінін айтты. Осы орайда облыста шешімін табуды қажет ететін бірқатар мәселе бар.
Балалар • 23 Қазан, 2023
Бұл күннің басты кейіпкері де, эмоциясына ерік бергені де балалар болды. Бірнеше күн ересектер алдында өнер көрсетуге дайындалған дарындар да бұл күнді ұмытпас. Иә, айтайын дегеніміз Келес ауданы Бірлесу ауылдық округінің 28 гвардия ауылында жеке кәсіпкердің демеушілігімен 145 орынды балабақшаның ашылғаны еді.
Байқау • 22 Қазан, 2023
Қазақ әндерін шырқаған әлем әншілері
Түркістандағы «Конгресс холл» көпсалалы кешенінде облыс әкімдігінің қолдауымен, облыстық мәдениет және туризм басқармасының ұйымдастыруымен «Voice of Turan – 2023» халықаралық қазақ әндері фестивалі өтті.
Аймақтар • 18 Қазан, 2023
Мемлекет басшысы Қасым-Жомарт Тоқаев Түркістанда өткен Ұлттық құрылтайда Ясауи мұрасына қатысты жұмыстардың барлығы әлемдік деңгейде жүргізілуі керектігін айтқан болатын. Бүгінде Президент тапсырмасына сәйкес Ясауи мұраларын зерттеу бағытында орталық немесе институт құру жұмыстары жүргізіліп отыр. Бұл жөнінде Түркістанда «Қожа Ахмет Ясауи мұрасына жаңа көзқарас» тақырыбында өткен халықаралық конференцияда айтылды.
Кітапхана • 18 Қазан, 2023
Түркістан облыстық «Фараб» әмбебап ғылыми кітапханасы бірқатар маңызды бастаманы жүзеге асыруымен де ерекшеленіп келеді. Мысалы, өңірде «Ашық әкімдіктегі ашық кітапхана» жобасын жүзеге асырып отыр. Жоба аясында бірқатар ауданда жылжымалы кітап пункті ашылды.
Туризм • 18 Қазан, 2023
Түркістан қаласында түркі елдерінің туристік форумы өтті. Түркі әлемінің туристік астаналары арасында өзара тиімді ынтымақтастық орнату, 2024 жылы түркі әлемінің келесі астанасы ретінде Түркістан қаласымен таныстыру мақсатындағы форумға Түркі мемлекеттері ұйымы өкілдері, Түркістан облысы мен Қоқан қаласының әкімі, Туризм және спорт министрлігі, түркі елдерінің туризмге қатысты министрліктері, орталық және жергілікті мемлекеттік органдардың басшылары қатысты.
