Аймақтар • 24 Қаңтар, 2024
Еліміздің әр өңірінде өзіндік ғылыми мәселелер, экономикаға қажетті бағыттары бар. Жергілікті әкімдіктер, бизнес және өнеркәсіп өкілдері ғылымға бет бұрып, оны дамытуға атсалысуы керек. Ұлттық ғылым академиясы осы бағытта өтінім беріп, ғылыми конкурстар өткізуді көздеп отыр. Сондай-ақ жас ғалымдар кеңесі құрылмақ. Бүгінде эксперттік жұмыс топтарына 1 мыңнан астам жас ғалым тартылған.
Сараптама • 22 Қаңтар, 2024
Жылыжай шаруашылығы дамыған еліміздегі ең ірі өңір – Түркістан облысында аумағы 1 640 гектарлық 3 366 жылыжай бар. Алайда осыншама жылыжайда өндірілетін өнім бағасы өңір тұрғындарының көңілін көншітпейді. Қарапайым тұтынушы түсінігінде жылыжай көбейген сайын, бәсекелестік бәсі өсіп, өнім арзандауға тиіс. Бүгінде қызанақ пен қиярды жылыжайы көп өңір тұрғындарының дастарқанынан сирек көресіз. Өйткені бағасы қарапайым халық үшін қымбат. Неге?
Аймақтар • 16 Қаңтар, 2024
Түркістан өңірінде кітап оқуға жұрттың қызығушылығын арттыру, мүмкіндік жасау бағытында бірқатар бастама қолға алынған болатын. Мысалы, былтыр аудан, қала әкімдіктерінде «Ашық әкімдіктегі ашық кітапхана» жобасы жүзеге асырылды. Ал биыл халық көп шоғырланған орында білім беру және мәдени платформа құру мақсатында «Базардағы кітапхана» жобасы іске асырыла бастады.
Шымкент • 15 Қаңтар, 2024
Мемлекет басшысы Қасым-Жомарт Тоқаев «Egemen Qazaqstan» газетіне берген сұхбатында Қазақ елінің жастарына сенетінін атап өтті. Өкілетті билікте жастардың үні жарқын естіле бастағанын, жаңа буыннан шыққан кәсіби мамандарға мүмкіндік беру саясаты алдағы уақытта да жалғасын табатынын айтты. Осы орайда жоғары оқу орындарының студенттері, профессор-оқытушылар құрамы түрлі мінберлерде өз пікірлерін білдіруде.
Аймақтар • 12 Қаңтар, 2024
Түркістан облысында «Базардағы кітапхана» жобасы іске асырыла бастады
Түркістан қаласындағы «Қуаныш» сауда орталығында «Фараб» кітапханасының пункті ашылды. Қаладағы ең үлкен сауда орталығында 1700-ден астам кәсіпкер жұмыс істейді. Күніне орта есеппен 20 мыңнан астам адам келеді. Кітапхана бөлімі бір күнде 70 адамға дейін қызмет көрсетеді, яғни айына орта есеппен 1500 адам қамтиды деп жоспарланып отыр. Мұндай тың жоба аудан, қалалардағы орталық базарларда жалғасын таппақ.
Білім • 12 Қаңтар, 2024
Бюджеттің тең жартысы – білімге
Түркістан облысында мемлекеттік бюджет есебінен 33 мектептің құрылысы қолға алынған болатын. Бүгінде 33 мектептің 10-ы пайдалануға берілген. Жыл соңында 10 мектеп тапсырылды. Қалған 13-і биыл пайдалануға берілді. Сонымен қатар «Жайлы мектеп» ұлттық жобасы аясында 2023-2025 жылдары облыста 49 мың оқушыға шақталған 63 мектептің құрылысын жүргізу жоспарланған. Осылайша, 2025 жылға дейін өңірде 96 білім ошағы бой көтереді.
Аймақтар • 10 Қаңтар, 2024
Түркістан қаласындағы Оқушылар сарайында бүгінде 1 500-ге жуық оқушы қосымша білім алады. Түрлі үйірмелер мен авторлық жобаларға қатысатын оқушылардың арасында 86 «Алтын алқа», 210 «Күміс алқа» иегерінің, 68 толық емес отбасы, 5 ерекше бала, 67 атаулы әлеуметтік көмек алатын отбасының балалары бар.
Аймақтар • 09 Қаңтар, 2024
Былтыр қаңтарда су шаруашылығы саласының мамандары «Шардара» су қоймасында апаттық жағдай орын алса, төменгі бөлігіндегі 34 мың халқы бар 22 елді мекенді су басу қаупі барын айтып, дабыл қаққан болатын. Кейіннен Шардара ауданының әкімі елді мекендерді су басып қалу қаупі жоқтығын мәлімдеді. Биыл тыныш. Облыс әкімдігі көктемгі су тасқынына қарсы дайындық жұмыстары тұрақты жүргізіліп жатқанын хабарлады. Жол картасына енгізілген тапсырмалар орындалған.
Ауыл • 04 Қаңтар, 2024
«Мырзакент» мақта зауытының Шардара, Жетісай, Мақтаарал аудандарындағы мақта қабылдау пункттерінде мыңға жуық адам еңбек етеді. Жалпы құны миллиард теңгені құрайтын, АҚШ-тың соңғы үлгідегі жаңа технологиясымен жабдықталған зауыттың өндірістік қуаттылығы жылына 60 мың тонна. Бірақ шикізаттың жетіспеушілігіне байланысты биыл 40 мың тонна мақта қабылдаған.
Аймақтар • 03 Қаңтар, 2024
Жүйелі жұмыс биыл да жалғасады
Түркістан өңірінің тұрғындары үшін өткен жыл қарқынды құрылыс жұмыстарымен де есте қалмақ. Мысалы, кейінгі 10 жыл ішінде құрылысы жүргізіліп, іске қосылмаған 38 табиғи газ нысаны бар еді. Тиісті жұмыстарды жүргізу нәтижесінде 91 мың халық тұратын 26 елді мекен газға қосылды.
