Жастар • 14 Қаңтар, 2024
Қауымдастық менеджментке көңіл бөлу керек
Бизнесте, қоғамдық өмірде болсын бір мүдде төңірегінде тоғысып, жақтастарды көздеген мақсатқа жетелеу – маңызды мақсат. Қазір мұны жаһандық тілмен айтқанда «комьюнити» деп те атайды. Ендеше, комьюнитиді қалай дамытуға болады? Халықаралық маркетологтер гильдиясы, «Marcom club Central Asia» сынды бірқатар халықаралық қауымдастықтың резиденті, Лондон Бизнес және қаржы мектебінің «диджитал маркетинг» бағытындағы магистрі, маркетолог-стратег Әсел АЛДАБЕРГЕНОВА 2024 жылға арналған ел нарығындағы сауда мен PR-ға қатысты кәсіби пікірімен бөліседі. Әселдің жас та болса ірі халықаралық компаниялармен, отандық брендтермен жұмыс істеуде айтарлықтай тәжірибесі бар. Ол «DigitalArt» медиаагенттігімен бірге Алматыдағы әйел-кәсіпкерлер қауымдастығының негізін қалап отыр.
Медицина • 11 Қаңтар, 2024
Қатерлі ісікті емдеудің озық әдістері де әлі күнге дейін медицинада айтыс-тартыс туғызып келеді. Әлемдік тәжірибеге қарасақ, онкологиялық дертке шалдығу сол елдің экономикалық көрсеткішіне пара-пар екені айтылады. Мемлекеттердің экономикасы өркендеген сайын обырға шалдығу да өрши түсетінін қалай түсіндіруге болады? Бұл сауалға отандық онкология саласының мамандары: «Мұның себебі көп. Әрине, экология, гендік модификацияланған өнімдерді пайдалану мен тұқым қуалаушылық та бар. Қуанышымызға қарай, біз көбінесе табиғи азық-түліктерді тұтынамыз» деп жауап берген екен.
Қоғам • 10 Қаңтар, 2024
Әлі де болса елімізде толық жолға қойылуға тиіс көкейкесті мәселенің бірі – балалардың сауықтыру лагерьлері мен демалыстарын тиімді ұйымдастыру. Көп жағдайда каникул кезіндегі лагерьлер онсыз да бала тоғыз ай тапжылмай отыратын мектептерінде ұйымдастырылып жататындықтан, мұның желкілдеп өсіп келе жатқан ұрпақтың таным көкжиегіне де, денсаулығына да пайдасы шамалы.
Қоғам • 08 Қаңтар, 2024
Датук Камарудин МЕРАНУН: Қазақстан мен Малайзияның тығыз байланысы – негізгі арманым
Қазіргі таңда Қазақстанмен барыс-келісті, алыс-берісті жолға қоюға мүдделі болып отырған мемлекеттің бірі – Малайзия. Оның айғағы – Оңтүстік-Шығыс Азияның қақпасы іспетті ел осы мақсат жолында нақты қадамдарға барып отыр. Алматы мен Куала-Лумпур арасын жалғау үшін Азияда 14 жыл қатарынан ең үздік әуекомпания деген атақты бермей келе жатқан, жылына 800 миллионға жуық жолаушы таситын «AirAsia X» лоукостері нарыққа келді.
Қоғам • 03 Қаңтар, 2024
Тіршілігі қашанда қарбалас қаламызда былтыр алып бала да, ата-анасы Құдайдан тілеп алған талай бақытты нәресте жарық дүниеге келді. «Алып бала» деп отырғанымыз, алматылық бір келіншек №5 қалалық перзентханада алғаш рет салмағы алты килодан асқан балпанақтай бала тапты. Алматыда өмірге келген сәбилердің ішінде 200-ден аса егіз бала және бір үшем бар.
Алматы • 28 Желтоқсан, 2023
Қуанышы мен қиындығы қайшыласқан Қоян жылын шығарып салуға санаулы күндер қалды. Әдеттегідей, әлбетте, келер жылдан да тек жақсылық күтеміз. Желтоқсанның жаңбыры мен ызғары жағаласып жатса да, жұрт Жаңа жыл мерекесінің лебін сезініп отыр.
Қоғам • 26 Желтоқсан, 2023
«Отбасы банк» сенімді агент екенін тағы да дәлелдеді
Үйлі болудан үмітті отандастарымызды қолжетімді баспанамен қамтамасыз етуде мемлекеттің сенімді серіктесіне айналған «Отбасы банк» үшін өтіп бара жатқан жыл оңды оқиғаларға толы болды. Құрылған күнінен бастап тұрғын үй саясатын сындарлы жүргізіп келе жатқан банкке биыл кезекті рет тағдыршешті міндеттер жүктеліп отыр. Бұл еліміздегі екі бірдей тарихи оқиғаға орайлас келген: 20 миллионыншы сәбидің дүниеге келуі мен Мемлекет басшысының Ұлттық қорынан балаларға қаражат аударуды қамтамасыз ететін заңға қол қоюы.
Алматы • 22 Желтоқсан, 2023
«Көк базардың» еңсесі көтерілмек
Көне шаһардың көзіндей болған Алматыдағы «Көк базардың» қадірін оның байырғы тұрғындары біледі. Енді тарихқа айналып үлгерген, кешегі кеңес өкіметінің тұсында қазіргідей самсаған супермаркеттердің, қаптаған сауда орындарының болмағанына тәуелсіздіктің бедерінде туған балаларды сендіре алмайсың. Жастарды айтпағанда, жұрт білетін, ел баратын дүкендер де саусақпен санарлық болғандықтан, азық-түлік үшін көбінесе «Көк базарға» ғана баратынын өзіміз де ұмыта бастадық.
Қаржы • 13 Желтоқсан, 2023
Сақтандыру төлемі 6,4 млрд теңгеден асты
Соңғы мәліметтерге сәйкес «Евразия» сақтандыру компаниясы Түркияның оңтүстік шығысында орын алған алапат жер сілкінісінен зардап шеккендерге халықаралық мүлікті қайта сақтандыру бағдарламасы бойынша кезекті 2,4 млн еуро немесе 1,2 млрд теңге төлем жасаған. Осылайша, отандық сақтандыру компаниясының жалпы төлем сомасы 13 млн еуро немесе 6,4 млрд теңгеге жетті. «Евразия» СҚ – Түркиядағы жер сілкінісінен кейін сақтандыру төлемін жүзеге асыруға шыққан Қазақстандағы жалғыз компания екендігін бөле-жарып айта кеткен жөн.
Туризм • 13 Желтоқсан, 2023
Туризм берекелі сала болса да, жаһандық індет кезінде орасан шығынға ұшырады. Алайда әлемді шарлағанды, саяхатты сүйетін жұрт алыс жолға қайта қамданды. Егер туризм саласы қайтадан өрістей бастады десек, «мемлекетіміздің туристік биігіне ұмтылған Алматыда биыл қандай жұмыстар атқарылды?» деген сауал тумақ. Себебі Қазақстанға келген әрбір екінші турист осы мегаполисті айналып өтпейді.