Тәуелсіздік • 16 Желтоқсан, 2021
Мемлекеттілігіміз мәңгілік болсын
Биыл еліміздің Тәуелсіздік алғанына 30 жыл толды. Тарихи тұрғыдан қарағанда, бұл көп уақыт емес. Бірақ сол отыз жылдың ішінде басып өткен жолымызға көз жүгіртсек, бұл үдерістің өте күрделі болғанын тереңінен сезінеміз. Әсіресе, тәуелсіздіктің алғашқы он жылы қиын болғаны белгілі.
Тәуелсіздік • 16 Желтоқсан, 2021
Қорқыт бабадан жеткен: «Өткен күн, кеше – тарих, келер күн, ертең – сыр, бүгінгі күн – сый» деген сөз бар. Біз – жаңа дәуірге қадам басып келе жатқан жас елміз. Бірақ өткенді ұмытпаймыз. Өйткені бабаларымыздың еліміздің игілігі үшін атқарған еңбектері ұрпаққа өнеге болып, жастарды отаншылдыққа тәрбиелеуге тамаша үлгі болып қала береді. Олай болса, кешегіні ұмытпай, үнемі еске алып отырсақ бүгінгіні бағалап, алдағыны ардақ тұтарымыз анық. Алдыңғы толқын аға буынның өмірінен хабардар болып жүрсе деген мақсатпен мен де өз ойыммен бөліскенді жөн көрдім.
Қазақстан • 16 Желтоқсан, 2021
Қазақстан • 16 Желтоқсан, 2021
Тәуелсіздік • 16 Желтоқсан, 2021
Жеңіске жетелеген жемісті жылдар
Биыл Тәуелсіздігімізге отыз жыл толып отыр. Тарих көзімен қарағанда, отыз жыл деген қас-қағым ғана уақыт. Алайда осы отыз жыл ішінде елімізде ғасырға бергісіз стратегиялық маңызы зор іс-шаралар атқарылды. Өткен ғасырдағы 90-жылдардың басында әлемнің алтыдан бір бөлігін алып жатқан Кеңес Одағы құлап, соның құрамындағы одақтас республикалар егемендігін алды. Бұл – XX ғасырдағы геосаяси құбылыстардың бірі. Әрине, КСРО-ның құлауына көп жылдардан бергі қордаланған проблемалар әсер етті. Кеңес Одағының жыл санап хал-ахуалы төмендеп, экономикасы құлдырап, соған байланысты қолға алған саяси өзгерістер мен реформалар нәтижесіз аяқталды.
Өнер • 16 Желтоқсан, 2021
Геральдика – халықты біріктіруші фактор
Елбасымыз Нұрсұлтан Назарбаевтың жасампаздық желі ескен мына сөздерін тағы бір еске түсірейікші: «Әрқашан мемлекет туы жауға аттанған ерлердің қолында асқақ желбіреп бара жатады. Жеңімпаздар сол туды тізе бүккен дұшпан жеріне қадайды. Біз бір кездері құрамында болған Кеңес Одағының туы Рейхстагқа тігілгенін білеміз. Біздің ата-бабаларымыз да бір тудың астында жеңіске жетіп, Ұлы даланы сақтап қалды. Біз – солардың бүгінгі мирасқор жалғастырушыларымыз. Бір тудың астында Ұлы дала төсінде жеңіспен қарыштап қадам басып келеміз. Осы уақыт ішінде Қазақстанды бір ту астындағы біртұтас халық ете алдық. Біздің ту жолақ емес, бір түсті. Мұны бірліктің символы ретінде мен ұсындым. Ұлы дала көгінде алтын күн жарқырайды, бұл – ата-бабаларымыздың ақыл-ойының жемісі. Қыранның біздің даланы шарлап жүргені – халқымыздың биік рухы мен ұлы болашаққа бағыт алғанының белгісі».
Медицина • 16 Желтоқсан, 2021
Қазақстан Республикасының Тұңғыш Президенті – Елбасы Нұрсұлтан Назарбаевтың «Қазақстан-2050» стратегиясы: қалыптасқан мемлекеттің жаңа саяси бағыты» Жолдауында: «...ана мен баланы қорғау – жаңа кезеңдегі әлеуметтік саясаттың маңызды құрамдас бөлігі. Ұлт денсаулығы – біздің табысты болашағымыздың негізі», делінген.
Елбасы • 16 Желтоқсан, 2021
Нұрсұлтан Назарбаевтың ҚР Тәуелсіздігінің 30 жылдығына арналған салтанатты жиында сөйлеген сөзі
Қымбатты отандастар! Ардақты ағайын! Қадірлі халқым! Құрметті Қасым-Жомарт Кемелұлы, Сізге мазмұнды баяндамаңыз бен менің ел басқарған кездегі еңбегіме берген аса жоғары бағаңыз үшін зор ризашылық білдіремін. Ең асыл құндылығымыз – қастерлі Тәуелсіздіктің 30 жылдық торқалы тойымен баршаңызды шын жүректен құттықтаймын!
Елбасы • 16 Желтоқсан, 2021
Президенттік басқару институтының қалыптасуы
Биыл Тәуелсіздігіміздің 30 жылдық мерейтойы. Тұңғыш Президент – Елбасы Нұрсұлтан Назарбаев 1991 жылы 10 желтоқсанда Қазақ КСР-ін Қазақстан Республикасы деп өзгерту туралы маңызды заңға қол қойды. Алты күннен кейін, 16 желтоқсанда Жоғарғы Кеңес мемлекеттік Тәуелсіздікті жариялады. Сондықтан 1991 жылдың желтоқсаны Қазақстан үшін шын мәнінде ел дамуының бағдарын айқындаған тағдыршешті кезеңге айналды. Содан бері елімізді халықаралық аренада мойындалған, экономикасы өркендеп, іргесі бекіген мемлекетке айналдыру бағытында көптеген жұмыс атқарылды. Соның бірі – президенттік институттың дамуы.
Тәуелсіздік • 15 Желтоқсан, 2021
Желтоқсан – ұлтымыздың ар-намысы
1986 жылы Абай атындағы ҚазПИ-дің көркемсурет-графика факультетінің екінші курсында оқып жүрдім. Желтоқсан айының 17-сі күні, түске жақын сабақтан шыққан соң К.Маркс (қазіргі Д.А.Қонаев) және Совет (қазіргі Қазыбек би) көшесінің қиылысында орналасқан №2 жатақхана маңында жиналып тұрғанбыз. Сонда жігіттер 16 желтоқсан күні Қазақстан Компартиясы Орталық комитетінің пленумы болып, онда Д.А.Қонаевтың орынына Г.В.Колбиннің ҚКОК бірінші хатшысы болып сайланғаны туралы және қазақ жастарының наразылық шеруіне шыққандары туралы айтты. Осы кезде Совет көшесіндегі институттың бас ғимараты жағынан «бізге қосылыңдар!» - деген дауыстар естілді. Олар шеруші жастар екен, біз соларға қосылдық. Шеруші жастардың қолдарында «Лениндік ұлт саясаты жасасын!», «Әр республикаға өз елінің басшысы!» - деген т.б. көптеген ұрандар бар екен. Шеруші жастар жайбарақат, көңілді, ешқандай бұзақылық іс-әрекетсіз, алаңға жеткенше «Менің Қазақстаным» әнін шырқап, көтеріңкі көңіл күйде алаңға беттедік. Жол бойы біраз адам қосылып, шеруші жастардың саны әжептәуір көбейе түсті.
