Шымкентте белгілі кәсіпкер ақша қымқырды деген күдік тудырды

АСТАНА. 4 сәуір. Шымкенттегі «Южполиметалл» ӨК» акционерлік қоғамының президенті мен аталмыш құрылымның заңгері Альянс банктен 61 млн. АҚШ долларын заңсыз жолмен алды деген күдікпен қамауға алынды. Бұл туралы kapital.kz хабарлады. Хабарламада көрсетілгендей, Шымкент қаласындағы Енбекші аудандық соты Қылмыстық-атқару кодексінің 147-148-баптары бойынша компания президенті Т.А. (Тұрсынбек Асанбаев – ред.) мен заңгер Д.Б.-ны Алянс банктен 61 млн. АҚШ долларын қымқырды деген күдік негізінде 2 айға қамауға алу туралы қаулы шығарған. Айта кетейік,  Тұрсынбек Асанбаев – аталмыш құрылымның президенті әрі жалғыз құрылтайшысы саналады. Ол бұрын «Шымкент қорғасын зауыты» АҚ-тың коммерциялық директоры, кейін президенті болған. Ал 1999 жылдан бері «Южполиметалл» ӨК» акционерлік қоғамының президенті қызметін атқаруда. Сондай-ақ, Т.Асанбаев әр жылдарда «Атамекен» Одағы» Ұлттық экономикалық палатасының, Президент жанындағы кәсіпкерлер кеңесінің мүшесі және Оңтүстік Қазақстан облыстық мәслихатының депутаты болған. Жолдыбай Базар. Дерек, сурет: kapital.kz.