Швейцарияда әуе шоуы кезінде екі ұшақ соқтығысып қалды

АСТАНА. 23 тамыз. Швейцарияда әуедегі шоу кезінде екі ұшақ соқтығысып, апатты жағдай тіркелді. Бұл туралы ТАСС хабарлады. Оқиға аталған елдің Диттинген қаласында болды. Шоу кезінде Grasshoppers пилоттық тобының ұшақтары апатқа ұшыраған. Бір ұшқыш арнайы құтқару құралы арқылы аман қалса, екіншісінің жағдайы белгісіз. Қазіргі таңда апаттың себептері анықталуда. Айта кетейік, кеше Ұлыбританияда да осыған ұқсас жағдай тіркелген еді. Елдің Батыс Суссекс графтығында болған Shoreham Airshow әуе шоуы кезінде бір ұшақ тас жолдың үстіне құлап түсті. Салдарынан 7 адам қаза тапты. Сондай-ақ, 15 адам әртүрлі деңгейде жарақат алса, тағы біреуі ауыр халде ауруханаға жеткізілді. Бұл апаттан да ұшқыштың өзі аман қалғанын атап өткен жөн. Еламан Қоңыр. Дерек: ТАСС. Сурет: twitter.com.