Фото: gov.kz (архив)
Жаңа формула бойынша жинақтардың ең төменгі мөлшері, яғни салымшының жеке зейнетақы шотында мақсатты көлемдегі зейнетақыны қамтамасыз ету үшін қазірдің өзінде болуы тиіс қаражат көлемі айқындалады. Сонымен қатар, болашақтағы төлемдерді есептеу кезінде инфляцияның және инвестициялық табыстылықтың әсері ескеріледі.
Қаулыға сәйкес, ең төменгі жеткіліктілік шегі тиісті жас санаттары үшін өткен жылғы көрсеткіштен төмен болмауға тиіс. Бұл ретте ол болжамды инфляция деңгейінен бес пайыздық тармаққа жоғары қарқынмен индекстеледі.
Зейнетақы жинақтарынан алуға болатын қаражат көлемі азаяды, себебі зейнетақы шотында сақталуға тиіс ең төменгі сома ұлғайтылып отыр. Дегенмен тұрғын үй жағдайларын жақсарту және емделу ақысын төлеу үшін зейнетақы жинақтарын пайдалану тетіктері сақталады.
Қаулыға сәйкес, Бірыңғай жинақтаушы зейнетақы қоры жаңа әдістеме күшіне енген күннен бастап үш жұмыс күні ішінде 2026 жылға арналған жаңартылған жеткіліктілік шектерін жариялауы керек.
Еске салайық, бұған дейін қаулының күшіне енетіні туралы хабарлағанбыз.
