Миссия басшысымен кездесті

Орталық сайлау комиссиясының төрағасы Қ.Тұрғанқұлов Қазақстан Республикасы Президентінің кезектен тыс сайлауын байқау жөніндегі ЕҚЫҰ/ДИАҚБ Миссиясының басшысы Корнелия Виллемиен Анке Йонкер ханыммен кездесті. Кездесуге, сондай-ақ, ЕҚЫҰ/ДИАҚБ Миссиясы басшы­сы­ның орынбасары Меган Мак­Кейб Фитцжеральд, Ортсай­лау­ком төра­ғасының орынбаса­ры В.К.Фоос, ОСК мүше­лері Т.В.Охлоп­кова мен М.А.Сәр­сембаев, ЕҚЫҰ/ДИАҚБ Мис­сиясы­ның құқықтық мәселелер жөнін­дегі маманы Мерсе Кас­тел­лс Висенте, сайлау мәселелері жөніндегі маманы Лусиан Рауль Мюресан және ЕҚЫҰ/ДИАҚБ-ның сайлау жөніндегі кеңесшісі Радивое Груичь қатысты. Ортсайлауком басшысы Йон­кер ханымды Орталық сайлау комиссиясының кезектен тыс сайлауды әзірлеу және өткізу жө­ніндегі жұмысымен, сайлау нау­қанының негізгі кезеңдері және оның ерекшеліктерімен таныс­тырды. «Біз ынтымақтастыққа дайын­быз, халықаралық байқау­шы­лар үшін ашықпыз және олар­дың байқауға қатысуын алдағы сайлаудың жариялы, транспа­рент­тік, айқындық ахуалын қамтамасыз етуге, сайлау процесіне барлық қаты­сушылардың бізге деген сенімін арттыруға себептесу ретін­де қарастырамыз», деп атап өтті Қ.Тұрғанқұлов. ЕҚЫҰ/ДИАҚБ Миссиясының басшысы сайлау науқаны барысын байқауға қатысуға шақыру үшін ризашылығын, сонымен қатар, Миссия сарапшыларының Ортсайлауком мүшелерімен сайлау процесінің барлық аспек­тілеріндегі ынтымақтастығы тығыз және кәсіби болатындығына сенім білдірді. «Ынтымақтастық оң және тиімді боларына сенім білдіреміз, – деді ол. – Бізде өзара іс-қимыл тәжірибесі бар. Ортсайлауком өкілдері Миссия өкілдерін бүкіл науқан бойы қызықтырған барлық мәселелерді жұмыс бабында талқылай алады деп ойлаймын». Кездесу барысында, сондай-ақ, қазақстандық билік пен сайлау органдары сайлау науқаны сайлау заңнамасының нормалары мен демократиялық сайлаудың  жалпыға танымал халықаралық қағидаттарына қатаң сәйкес түрде өтетініне бар күшін салатыны атап өтілді. Кездесу соңында Қ.Тұр­ған­құлов ЕҚЫҰ/ДИАҚБ Миссия­сының сарапшыларына сайлауды әділ және адал байқауда табыс тіледі. «Миссия сарапшыларының, Ортсайлауком мүшелері мен барлық сайлау процесіне қаты­сушылардың мүддесі толығымен сәйкес келеді деп ойлаймын», деп атап өтті ол.