Фото: wikipedia
Оқиға 23 мамыр күні Целль-ам-Зе қаласы маңында болған. Парапланшы әйел аса ауыр жарақат алған жоқ. Әлеуметтік желілерде тараған бейнежазбада ұшақтың парапланға жақындап келіп, винттің матаны жыртып жібергені көрінеді.
Соққыдан кейін әйел төмен қарай құлай бастаған, бірақ ол қосалқы парашютін ашып үлгеріп, орман жолына қонған. Жерге түскен соң ол камераға қарап: «Мен әлі тірімін, бұл ең бастысы» деген.
Кейін ол бірнеше жері көгергенін және жеңіл соққылар алғанын айтып, бұл күнді «екінші туған күнім» деп атаған.
Полицияның мәліметінше, Cessna ұшағын Тирольден келген 28 жастағы ұшқыш басқарған. Ол шолу рейсін орындап жүрген және парапланнан қашып үлгермегенін айтқан. Тергеу аяқталғаннан кейін іс Зальцбург прокуратурасына жіберіледі. Ұшқышқа қауіпсіздікке қатер төндіру бабы бойынша айып тағылып, үш айға дейін бас бостандығынан айыру жазасы қарастырылуы мүмкін.
Ақтау маңындағы ұшақ апаты: Қаза тапқандардың туыстарына өтемақы төленді
