Делегацияны Премьер-министрдің орынбасары – Мәдениет және ақпарат министрі Аида Балаева бастап келді. Сондай-ақ кездесуге Парламент Мәжілісінің депутаты Аманжол Алтай, заңгер, мемлекет және қоғам қайраткері Серік Ақылбай, білім жүйесінің өкілі Нұрлан Дулатбеков және қоғам қайраткері Әбілғазы Құсайынов қатысты.
Референдум: Таяу Шығыс елдеріндегі учаскелер уақытша жұмыс істемейді
Аида Балаева зауыт ұжымымен кездесуде жаңа Конституция жобасының басты принципі – адам құқықтары, бостандықтары мен қауіпсіздігі, сондай-ақ жұмысшыларды қорғау кепілдіктерін күшейту екенін атап өтті.
«Негізгі өзгеріс – адамның құқықтары, бостандықтары мен қауіпсіздігі. Өнеркәсіп саласы үшін еңбек ұжымдарына тікелей қатысты нормалар маңызды. Негізгі заң еңбек құқығын, қауіпсіз жұмыс жағдайын және әділ еңбекақысын қамтамасыз етеді. Бұл нормалар өндірістік жарақаттанудың алдын алуға және жұмысшылардың денсаулығын сақтауға бағытталған. Яғни жұмыс беруші мен мемлекеттің еңбек жағдайына жауапкершілігі Конституция деңгейінде бекітілді. Заң үстемдігі принципі бар елде болжамдылық жоғары, қауіп аз және болашаққа сенім көп. Демек, кәсіпорындардың дамуы мен жұмысшылардың отбасының әл-ауқаты үшін мүмкіндіктер артады», деді Аида Балаева.
Кездесу барысында қатысушылар конституциялық реформаның ірі өндірістік ұжымдар үшін тек саяси оқиға емес, сонымен қатар еңбек құқықтарын қорғау, кәсіпорындардың тұрақтылығы және болашаққа сенімділік екенін атап өтті. Негізгі назар қауіпсіз еңбек жағдайы, әділ еңбекақы, заң үстемдігі және азаматтық құқықтарды қорғау мәселелеріне аударылды.
Референдум-2026: Сайлау учаскесін eGov Mobile арқылы тексеруге болады
Кездесу барысында мемлекеттік-қоғамдық, эксперттік және ғылыми қауымдастық өкілдері де сөз сөйледі. Олар жаңа Конституция жобасының мәні, әділеттілік пен құқықтық үстемдігін нығайтудағы рөлі, сондай-ақ азаматтардың референдумға белсенді қатысуының маңызын атап өтті.
«1995 жылғы Конституция мүлдем басқа жағдайларда қабылданды. Бүгінде Қазақстан тұрақты мемлекетке айналды. Сондықтан жаңа Конституция кездейсоқ емес, өзгерген шындыққа және дамудың жаңа мақсаттарына жауап береді. Жоба ашық дайындалды, отандық ғалымдар, заңгерлер мен мыңдаған азаматтың ұсыныстары ескерілді. Бұл құжаттың шын мәнінде халықтық сипаты барын көрсетеді», деді Серік Ақылбай.
Зауыт қызметкері Алтынай Алпамысова сөз сөйлеп, еңбек адамы мемлекет үшін ең басты қазына екенін атап өтті.
«Жаңа Конституция еңбек адамына сенімділік қана беріп қоймай, жауапкершілікті де арттырады. Құжатта адамның өмірі, құқықтары мен бостандықтары – ең жоғары құндылық деп көрсетілген. Біз адал еңбегімізбен Қазақстанды дамытамыз, ал мемлекет біздің құқықтарымыз бен қауіпсіздігімізді қорғауы тиіс. Сондықтан баршаңызды референдумға қатысып, Жаңа Қазақстанды бірге құруға шақырамын», деді Алтынай Алпамысова.
Кездесудің қорытындысында зауыт ұжымы конституциялық реформаны қолдап, республикалық референдумға қатысудың маңыздылығын атап өтті.
Референдум қарсаңындағы қоғамдық көңіл күй: жаңа Конституцияға пікір қандай?
