фото: ашық дереккөз
Канада полициясының (RCMP) хабарлауынша, 27 адам жарақаттанған, олардың екеуінің жағдайы ауыр.
Бастапқыда канадалық БАҚ атысты ұйымдастырған адам әйел деп хабарлағанымен, полиция ресми мәлімдемеде күдікті туралы нақты ақпарат бермеген. Алайда жергілікті тұрғындардың телефондарына таратылған шұғыл хабарламада күдіктінің қоңыр шашты көйлек киген әйел екені айтылған.
RCMP командирі Кен Флойдтың айтуынша, жағдай өте тез өрбіген.
«Мектептің, шұғыл қызметтер мен жергілікті қауымдастықтың жедел іс-қимылы біздің жұмысымызда шешуші рөл атқарды. Біз қаза тапқандардың отбасыларына және осы қайғылы жағдайдан зардап шеккендердің барлығына көңіл айтамыз. Бұл біздің қауымдастық үшін өте ауыр күн болды», деді командир.
Жергілікті мектеп округі Тамблер-Ридждегі бастауыш және орта мектептердің апта соңына дейін жабылатынын хабарлады.
