Фото: Ашық дереккөз
«Парламент палаталарының бірлескен отырысында «Қазақстан Республикасындағы сайлау туралы» ҚР Конституциялық заңына өзгерістер мен толықтырулар енгізу туралы» Конституциялық заң жобасы жөніндегі бірлескен комиссияның құрамын өзгерту туралы мәселе қаралды. Өкілеттігі тоқтатылған Мәжіліс депутаты Мұрат Ергешбаевтың орнына Мәжіліс депутаты Берік Бейсенғалиев келді», делінген хабарламада.
Мұрат Ергешбаев Қызылорда облысының әкімі болып тағайындалды
Берік Бейсенғалиев 1966 жылы ақпан айында Қостанай облысында дүниеге келген. Ол Е.А. Бөкетов атындағы Қарағанды мемлекеттік университетін бітірген. Сондай-ақ Гарвард бизнес мектебінің (Harvard Business School) Жалпы басқару бағдарламасын (General Management Program) тәмамдаған.
Еңбек жолын 1990 жылы Е.А. Бөкетов атындағы Қарағанды мемлекеттік университетінде оқытушы болып бастаған.
