Фото: ашық дереккөз
Батыс циклоны Қазақстан аумағының басым бөлігінде тұрақсыз ауа райын сақтайды. Жауын-шашын күтіледі. Республика бойынша боран, көктайғақ, тұман, желдің күшеюі болжанады.
Батыс өңірлерде, оңтүстікте, Абай облысының орталығында, Шығыс Қазақстан облысының батысында, солтүстігінде және шығысында, Жетісу облысындағы Алакөл көлдері ауданында, сондай-ақ түнде Түркістан облысының таулы асуларында желдің жылдамдығы секундына 30 метр және одан да жоғары болуы мүмкін.
Бұған дейін Қазақстанның барлық аумағында ауа райына байланысты ескерту жарияланған болатын.
