Фото: istockphoto.com
Күн астрономиясы зертханасының мәліметінше, Күн дискісінің орталық бөлігінде өте күрделі пішінді корональды саңылау пайда болған. Бұл құрылым Күннің оңтүстік және солтүстік жарты шарларын түгел қамтып жатыр. Қазіргі уақытта Күннен ескен жойқын желдің жылдамдығы секундына 700 шақырымға жетті, бұл қалыпты көрсеткіштен екі есе жоғары.
Ғалымдардың айтуынша, магнит дауылының алғашқы белгілері болжамнан бір тәулік бұрын байқала бастаған. Түн ортасында G1 деңгейіндегі алғашқы геомагниттік ауытқулар тіркелді. Мамандар алдағы күндері жағдайдың одан әрі күрделенуі мүмкін екенін ескертеді. Егер Жерге келетін плазма ағыны тығыз әрі біртекті болса, дауыл күші G2 деңгейіне дейін көтерілуі ықтимал.
Саңылаудың конфигурациясы өте күрделі болғандықтан, болжам тұрақсыз болып отыр. Күн желінің мұндай жоғары қысымы Жердің қорғаныс қабатын – магнитосфераны өте сезімтал етеді. Осы шағын өзгерістердің өзі қайталама магнит дауылдарын тудыруына әкеп соғуы мүмкін.
Астрономдар мұндай жоғары жылдамдықтағы күн желінің әсері кем дегенде тағы 2-3 тәулікке созылатынын хабарлады. Бұл кезеңде байланыс жүйелерінде ақаулар болуы мүмкін және метеосезімтал адамдардың денсаулығына баса назар аударғаны жөн.
