Фото: ҚТЖ баспасөз қызметі
Оның айтуынша, 11 айдағы көрсеткіш километріне 264 млрд болды. Бұл өткен жылдың сәйкес кезеңімен салыстырғанда 7,4%-ға жоғары. Елдің жүйе құраушы кәсіпорындарынан экспорттық жүктерді тасымалдау 80 млн тоннаны (+6,5%) құрады. Бұл ретте ең белсенді динамика шығыс бағытта байқалады. Сауда-саттыққа ұзындығы 836 шақырым болатын Достық – Мойынты учаскесінде жұмысшы қозғалысы ашылған екінші жолдардың құрылысы аяқталды.
«Бұдан бөлек, жылдың 11 айында транзит тасымалы да жыл сайын артып отыр. Достық – Мойынты учаскесіндегі екінші жолдардың ашылуы серпін беріп, Қытайға бағытталатын отандық экспорт 11% өсті», деп атап өтті Талғат Алдыбергенов.
Сонымен қатар Мемлекет басшысының инфрақұрылымды жаңарту жөніндегі тапсырмасын орындау шеңберінде осы жылы бүкіл ел бойынша темір жолдардың елеулі учаскелері күрделі жөндеумен қамтылды. Президент қозғалыс қауіпсіздігін қамтамасыз ету және пойыздардың жылдамдығын арттыру үшін 11 мың шақырым темір жолға жөндеу жұмыстарын жүргізу міндетін қойды.
Ұлттық компания басшысы баяндағандай, жұмыстар кесте бойынша жүргізіліп келеді. Бүгінгі таңда 4 375 шақырым жол жөнделді. Қолданыстағы желілерді жөндеумен қатар жаңа желілердің белсенді құрылысы және жалпы ұзындығы шамамен 3 мың шақырым учаскелерде заманауи автоблоктау жүйелерін енгізу жүргізілуде.
«Мемлекет басшысының 11 мың шақырым темір жолды жөндеу жөніндегі тапсырмаларын орындау аясында бүгінгі күні 4 375 шақырым жөндеу жұмыстары жалғасып жатыр. Сондай-ақ 7 учаскеде автоблоктауды жаңғырту және енгізу бойынша жұмыстар жүргізілуде. Жұмыстарды аяқтау келесі жылға жоспарланды», деп атап өтті «ҚТЖ» басқарма төрағасы.Айта кетейік, бұған дейін Қазақстан 42 елмен автокөлік арқылы жүк тасымалын жүзеге асыратынын хабарлаған едік.
