Бұл қадам ресми түрде «есірткі трафигімен күрес» ұранымен түсіндірілгенімен, сарапшылардың пікірінше, Вашингтонның шынайы мақсаты – президент Николас Мадуроны биліктен кетіру.
Трамп өз мәлімдемесін Truth Social әлеуметтік желісінде жариялады.
«Барлық авиакомпаниялар, пилоттар, есірткі тасымалдаушылар және адам саудасымен айналысатындар назар аударсын: Венесуэла үстіндегі және оның айналасындағы әуе кеңістігі толығымен жабылады. Назар салғандарыңызға рақмет!» делінген жазбада.
Өткен аптада АҚШ Венесуэла жағалауына әлемдегі ең қуатты әрі заманауи әскери кемелердің бірі — «Джеральд Форд» авианосецін жіберген. Бұған дейін Пуэрто-Рикода АҚШ армиясының оқу-жаттығулары өтіп, онда десант түсіру және стратегиялық бомбалаушы шабуылдарының имитациясы жүргізілген.
