Инноваторлар сайысында жобасын сәтті қорғаған Нұрислам 12 жаста. Информатика, ағылшын және физика пәндерін ерекше ұнататын ол әр тақырыптан өзіне керекті мәлімет алатынын айтады.
Нұрислам әзірлеген «Extrnos» жобасының идеясы ағылшын бағдарламашысы Терри Дэвис жасаған операциялық жүйеден басталыпты. Ұялы телефондарға арналған қауіпсіз операция жүйесін жасап шығуға Нұрислам 7 ай жұмсаған. «Android» пен iOS-қа қарағанда мықты әрі қауіпсіз бұл жүйе телефонды хакерлік шабуылдардан қорғап, байланыс құралының жұмысын жылдамдатуға мүмкіндік береді.
Оқушысының талабын ұштаған мұғалімі оның ынтасын арттырып, пән олимпиадалары мен түрлі байқауларға қатысуына ықпал етіпті. Кейіннен Қызылорда стартаптар мен ІТ өңірлік хабының жетекшісі Жанарыс Түбекбаевтан сабақ алып, жаңа технологияның қыр-сырына қанықты.
«Жүйені орнату үшін телефонда «Android», «Raspberry Pi», «ARM64» архитектурасы болуы керек. Телефонға оны компьютер арқылы орнатамыз. Жоба аяқсыз қалмайды, әлі жұмыс атқарамыз. Толық аяқтауға әлі де уақыт қажет», дейді жас өнертапқыш.
Қызылорда
