Агенттік төрағасы өз баяндамасында ЭЫДҰ-ға 17 жылдық ынтымақтастығы үшін алғысын білдіре отырып, «ЭЫДҰ-ның Қазақстандағы қоғамдық адалдық жөніндегі шолуы» жариялануын осы ынтымақтастықтың маңызды нәтижесі екенін айтты. Бұл құжат сыбайлас жемқорлыққа қарсы тетіктердің тұрақтылығын бағалайды және 2022–2026 жылдарға арналған Сыбайлас жемқорлыққа қарсы саясат тұжырымдамасын іске асырудағы маңызды кезең.
«Біз құндылықтар жүйесін формалды орындаушылықтан саналы қызмет етуге көшіріп жатырмыз», деді Д.Жазықбай. Өз сөзінде агенттік төрағасы Президент Қасым-Жомарт Тоқаевтың мемлекеттік басқару мәдениетін өзгерту бағытына бастама көтергені атап айтты.
Оның айтуынша, бұл жұмыстың негізгі элементі – барлық деңгейде адалдық жүйесін қалыптастыру. Мектептерде «Адал азамат» бағдарламасы енгізіліп жатыр, жоғары оқу орындарында академиялық адалдық модульдері оқытылуда, ал мемлекеттік қызметшілер үшін әдеп және сыбайлас жемқорлыққа қарсы іс-қимыл бойынша үздіксіз оқыту міндетті негізде жүзеге асырылып келеді.
Сонымен қатар агенттік төрағасы еліміз сыбайлас жемқорлықтың салдарымен күресуден оның себептерін алдын алуға бағытталған жүйелі трансформация жолына түскенін атап өтті.
Баяндамада атап өтілгендей, Қазақстан ЭЫДҰ Кеңесінің қоғамдық адалдық жөніндегі ұсынымына қосылуға мүдделілік танытып отыр. Бұл біздің Республикамыздың БҰҰ, ЭЫДҰ және ГРЕКО ұстанымдары мен халықаралық стандарттарын қолдайтынын айғақтайды.
