Жеңімпазды анықтау барысында алқа мүшелері алты сағат бойы талқылаған. Соңында, барлық қатысушылардың бірауыз шешімімен «Тән» романы үздік деп танылған.
«Бізді өзіне баурап алған, өзге туындылардың арасынан дараланған шығарма – дәл осы роман болды. Мұндай кітапты бұрын ешқашан оқымаған едік» деген баға берді Родди Дойл.
51 жастағы жазушы Дэвид Салайға сыйлықты өткен жылғы лауреат Саманта Харви 10 қараша күні Лондонда өткен салтанатты рәсімде табыс етті. Марапат алып тұрып Салай оқырмандарына былай деді: «Бұл роман арқылы біз тәуекелге бардық. Сол тәуекелдің жасалғаны мен үшін аса маңызды».
Биылғы жылдың наурыз айында жарық көрген «Тән» романы – автордың алтыншы кітабы. Шығармада Иштван есімді венгр азаматтың балалық шағынан бастап, өмірінің соңғы кезеңдеріне дейінгі жалғыздық пен ішкі күйзеліс жолы суреттеледі. Кітаптың тілі минималистік әрі жеңіл, ал басты кейіпкер – үнсіздігі, жұмбақ болмысымен ерекшеленеді.
