Қазақстанның басым бөлігінде атмосфералық фронтальды бөліктердің өтуіне байланысты ауа райының құбылмалы сипаты сақталады, жаңбыр жауып, найзағай ойнайды. Кезең бойы еліміздің оңтүстігінде, оңтүстік-шығысында, ал 4 мамырда солтүстік-батысында қатты жаңбыр жауып, бұршақ түсуі және дауылды жел соғуы мүмкін. Республика бойынша түнгі және таңғы сағаттарда тұман күтіледі.
Кезең бойы республиканың батысында, солтүстік-батысында, солтүстігінде және орталығында түнгі уақытта 3 градусқа дейін үсік жүреді.
Күндіз батыста +17...+32°С-қа дейін, солтүстік-батыста +15...+30°С-қа дейін, солтүстікте +15...+23°С-қа дейін, орталықта +17...+27°С-қа дейін ауа температурасы біртіндеп жоғарылайды.
