Сурет: azattyq-ruhy.kz
Осы тұрғыдан алғанда, бір палаталы Парламентке көшу еліміздің саяси жүйесін жаңғыртудың маңызды және өзекті бағыты деп есептейміз. Бұл бастама заң шығару үдерісін жеңілдетіп, шешім қабылдауды жеделдетуге, демократиялық бақылауды күшейтуге мүмкіндік береді. Парламент – халықтың өкілдік органы. Оның басты міндеті – азаматтардың мүддесін қорғау. Бір палаталы құрылым халық пен билік арасындағы байланысты нығайтып, өзара іс-қимылды оңтайландыруға толық мүмкіндік береді.
Халықаралық тәжірибеге жүгінсек, мұндай шешім көптеген елде оң нәтижесін көрсетті. Мысалы, Дания, Швеция, Коста-Рика, Перу, Оңтүстік Африка сияқты мемлекеттер екі палаталы жүйеден бір палаталы Парламентке өтті. Олар мұндай қадамға мемлекеттік басқару тиімділігін арттыру, шығындарды азайту және заң шығару үдерісінің ашықтығын қамтамасыз ету мақсатында барды. Аталған мысалдар көрсеткендей, Парламент құрылымын оңтайландыру – билік тармақтарының тиімді өзара іс-қимылын қамтамасыз етудің, демократиялық институттарды нығайтудың және халықтың өкілдік ету тетіктерін жетілдірудің маңызды шарты.
Біз бұл реформаны Әділетті Қазақстан құру жолындағы саяси жаңғырудың қисынды әрі қажетті жалғасы деп санаймыз. Президент Қасым-Жомарт Тоқаевтың тапсырмасына сәйкес құрылған Парламенттік реформа жөніндегі жұмыс тобы алға қойылған міндеттерді сапалы және жүйелі түрде жүзеге асыруға толық дайын. Бұл топ парламенттік реформаны әзірлеу мен іске асыру бағытында тиімді пікірталас және кәсіби талқылау алаңына айналып, еліміздің саяси жүйесін жетілдіруге бағытталған нақты ұсыныстар енгізеді деп сенеміз.
Үнзила ШАПАҚ,
Мәжіліс депутаты
