Фото: zakon.kz
Әділет министрлігі адам құқықтары мен бостандықтарын қорғауға ерекше назар аударып отыр. Қазіргі таңда кемсітушілікке қарсы іс-қимылға, халықтың осал топтарын қолдауға және әділ сот төрелігінің кепілдіктерін күшейтуге арналған жаңа құқықтық тетіктер әзірленіп, іске қосылып жатыр. Қазақстанның осы бағыттағы бастамалары халықаралық деңгейде оң бағаланып, елдің құқықтық мемлекет ретіндегі беделін арттырып келеді.
Әділет министрі Ерлан Сәрсембаевтың айтуынша, басты мақсат – заңдардың әділ әрі сапалы орындалуын қамтамасыз ету.
«Осылайша, «Заң және тәртіп» тұжырымдамасын басшылыққа ала отырып, атқарушылық іс жүргізу тараптарының әрқайсысы сот төрелігін жүзеге асыру кезінде болжамды, заңды жағдайға және дауларды шешудің өзге де тәсілдеріне сенімді болған кезде әділ заңдардың қабылдануы ғана емес, олардың сапалы орындалуы да қамтамасыз етілетін болады», деп атап өтті Ерлан Сәрсембаев.
Бұған қоса, Ішкі істер министрлігі мен Әділет министрлігі қабылдап жатқан шаралар мемлекеттің «Заң және тәртіп» атты біртұтас әрі тиімді жүйе құруға ұмтылып отырғанын көрсетеді. Жүйенің негізін заманауи технологиялар, жетілдірілген заңнама, қоғамның белсенді қатысуы және құқық бұзушылардың қатаң жауапкершілігі құрайды.
Мемлекеттің басты міндеті – қазіргі сын-қатерлерге жедел жауап берумен қатар, құқықтық тәртіп күнделікті өмірдің қалыпты нормасына айналатын жағдайды қалыптастыру. Бүгінде Қазақстан азаматтардың мемлекетке деген сенімін нығайтып, болашақ дамуға берік іргетас қалап, осы бағытта нық қадам жасап отыр.
