Фото: bangkokbook.ru
ҚР Ішкі істер министрлігі қала мен ауыл тұрғындары үшін қауіпсіз орта құруды басты назарда ұстап отыр. Күн сайын 14 мыңнан астам полиция қызметкері мен Ұлттық ұлан сарбаздары қоғамдық тәртіпті сақтауға жұмылдырылған. Ел аумағында 15 мыңнан астам патрульдік бағыт белгіленіп, барлық қауіпті аймақтар қамтылған. Бұдан бөлек, қылмыстың қайталануын болдырмауға бағытталған іс-шаралар жүргізіліп жатыр.
Айта кетейік, бұл жұмыстардың тиімділігі байқала бастаған. Жыл басынан бері қоғамдық орындарда, көшелерде және бұрын сотталғандар арасында құқық бұзушылықтар саны азайған. Полицияның үйлесімді әрекеттері нәтижесінде 10 мыңнан астам қылмыс әшкереленіп, 10 миллионға жуық әкімшілік құқық бұзушылықтың жолы кесілді.
«Біздің қызметіміздің негізі – «заң мен тәртіп» қағидасы. Алдын алу жұмыстарының арқасында қылмыс деңгейі 13%-ға төмендеп, өткен жылмен салыстырғанда 9 мыңға азайды. Кісі өлтіру, қарақшылық, тонау, бұзақылық, ұрлық және мал ұрлығының көрсеткіші азайды. Бұрын сотталғандар тарапынан жасалған құқық бұзушылықтар да, қару қолданумен байланысты қылмыстар да кеміді. Қылмыстарды ашу көрсеткіші жақсарды», деді Ішкі істер министрі Ержан Сәденов.
