Арада төрт жыл өткенде «Унион» тағы да тығырыққа тірелді. Нақтырақ айтқанда, клубтың «Ан дер Альтен Фёрстерай» стадионын қайта жөндеу қажет болды, бірақ осы жолы да ақша мәселесі адымды аштырмай қойды. Сол кезде екі мыңнан астам жанкүйер құрылыс жұмыстарына өздері тікелей атсалысып, тегін жұмыс істеп, стадионды өз қолдарымен жаңартып шықты. Осылайша, «Унион» футбол клубының жанкүйерлері сүйікті клубын тек трибунадан қолдаумен шектелмей, нағыз жанашырлықтың үлгісін көрсетті.
