Ақмола облысында аудан әкімі тағайындалды

КӨКШЕТАУ. 17 ақпан. Ақмола облысының әкімі Сергей Кулагиннің өкімімен және аудандық мәслихат депутаттары келісімінің негізінде Асқар Мейрамбекұлы Қиықов Еңбекшілдер ауданының әкімі болып тағайындалды. Бұл туралы egemen.kz тілшісі хабарлады. А.Қиықов 1966 жылы туған, ол 1988 жылы К.Тимирязев атындағы Мәскеу ауыл шаруашылығы академиясын ғалым-агроном, 2003 жылы А.Мырзахметов атындағы Көкшетау университетін экономист мамандығы бойынша бітірген. Еңбек жолын 1988 жылғы тамызда «Целингипрозем» Көкшетау филиалында инженер болып бастады. 1989-1999 жылдары Қарағанды облысындағы «Нефтехимик» кеңшарының директоры, Сарань қаласындағы «ДЭН» ЖШС директоры қызметтерін атқарды. Ал 1999 жылғы ақпан мен 2015 жылғы ақпан аралығында Ақмола облысындағы «Мирас 2» шаруа қожалығының директоры, «ЛТД Макинск піспек сақиналары зауытының» директоры, «Еңбек-Береке» ЖШС директоры лауазымдарын атқарды. Ақмола облыстық мәслихатының депутаты болып сайланған. «Құрмет» орденінің иегері. Бақберген Амалбек. Дерек, сурет: egemen.kz.