Енді екі алпауыттың арасында соғыс өрті тұтануы мүмкін деп жатыр әлемдік БАҚ-тар. Іске Израиль араласуы мүмкін. Қазірдің өзінде Израиль Иранға әскери соққы жасауы мүмкін деген ақпараттар кеңістікте көбейе түсті. Бұл расқа айналуы әбден мүмкін..
АҚШ Мемдепартаменті Ирак, Бахрейн және Кувейттегі елшіліктерден қызметкерлердің кетуін ұйымдастыруға тапсырма берген. АҚШ Қорғаныс министрі Пит Хегсет бұл елдерден әскери қызметкерлердің отбасы өз еріктерімен кетуі тиіс деп есептейді.
Сәрсенбі күні Кеннеди орталығында сөз сөйлеген АҚШ Президенті Дональд Трамп «америкалықтар бұл өңірлерден кетуі тиіс, өйткені бұл қауіпті орын болуы мүмкін, не болатынын көреміз» деп пікір білдірді.
Осындай геосаяси қысым жағдайында Brent маркалы мұнай бағасы 4,3 пайызға қымбаттаған. Сөйтіп, 69,8 долларға жетті. Бұл әрине, біз үшін тиімді.
Қазақстанның бюджеті мұнайдан түсетін табысқа тікелей тәуелді. Бірақ біз үшін әлемдегі ахуалдың оңтайлы болғаны да тиімді. Оның үстіне, Қазақстан соңғы кездері Иранмен дипломатиялық, сауда қатынастарын да күшейтуге ұмтылып жатыр.
Дильназ Дүкенбай,
Л.Н.Гумилев атындағы Еуразия ұлттық университетінің студенті
