Фото: Ашық дереккөз
Алмасу үрдісі үш күнге созылды. Жексенбі күні тараптар 303 адамнан алмасты. Ресей Қорғаныс министрлігінің мәліметінше, босатылған ресейлік әскери қызметкерлер Беларусияға жеткізілді, онда оларға қажетті медициналық және психологиялық көмек көрсетілуде.
Украинаның әскери тұтқындар мәселелері жөніндегі үйлестіру штабының хабарлауынша, тараптар биылдыққа алтыншы рет тұтқын алмасып отыр. Ал екі ел арасындағы әскери қақтығыс басталғалы мұндай алмасу 65 мәрте болыпты. 2022 жылғы наурыздан бері келіссөздер мен тұтқын алмасуды үйлестіру штабы 5757 украин азаматын босатқан. Тағы 536 украин азаматы алмасусыз қайтарылған.
«Бостандық алған әскерилердің бәріне қажетті медициналық көмек көрсетіліп, оңалтудан өтеді, сонымен қатар тұтқында болған уақыты үшін тиісті өтемақы төленіп, бір реттік материалдық көмекті алады», делінген штаб хабарламасында.
Босатылғандар қатарында Әскери-теңіз күштері, Әуе күштері, Десанттық-шабуылдаушы әскерлер, Территориялық қорғаныс күштері, сондай-ақ Ұлттық гвардия, Мемлекеттік шекара қызметі және Мемлекеттік арнайы көлік қызметінің қызметкерлері бар.
