Назарбаев университетінің зерттеушілері кофенің қалдығын арнайы термоөңдеуден өткізу арқылы энергия жинайтын материалға айналдыруға келетінін көрсетті.
Профессор Айшуақ Қонаровтың жетекшілігімен және Оңтүстік Кореядағы Sejong University ғалымдарымен бірлескен жұмыс нәтижесінде фосформен «қосылған» қатты көміртекті жаңа материал синтезделді. Ғалымдар жоғары кеуекті құрылым алуға қажетті оңтайлы жағдайларды тапты.
Нәтижесінде материалдың қасиеттері айтарлықтай жақсарды, ал сонымен бірге натрий-иондық батареялардағы энергия жинау мүмкіндігі де артты – бұл литийлік баламалардан арзан әрі экологиялық таза шешім.
