Оның айтуынша, Италия премьер-министрінің жаңа сапары екі жақ тараппен келісіліп жатыр.
«Италиялық тараптың өтініші бойынша Рим Папасы Францисктің қайтыс болуына, аза тұту шараларына қатысуына байланысты Италия премьер-министрі Джорджи Мелонидің Қазақстанға жоспарланған сапары және бірінші Орталық Азия-Италия саммиті кейінге шегерілді», деді Р.Желдібай.
Бұған дейін Ақорданың баспасөз қызметі Джорджи Мелонидің Қазақстан президенті Қасым-Жомарт Тоқаевтың шақыруымен сәуірдің 26-27-сі аралығында келетінін хабарлаған еді. Тараптар Қазақстан-Италия стратегиялық әріптестігінің даму перспективаларын талқылауды жоспарлады.
Бірінші Орталық Азия-Италия саммиті 27 сәуірде өтеді деп жоспарланған еді.
