Фото: https://ria.ru/
Mash Telegram-арнасының мәліметінше, шебер 22 сәуірге қараған түні жүрек соғысының тоқтауынан қайтыс болған.
Зураб Константинович Церетели 1934 жылы 4 қаңтарда Тбилисиде дүниеге келген. Ол Тбилиси көркемөнер академиясында білім алған. Оның шығармашылық жолы қоғамдық кеңістіктер мен сәулеттік кешендерді безендіруден басталып, әлемдік деңгейдегі монументалды туындыларға ұласқан.
Церетели 5000-нан астам туынды жасап, әлемнің түрлі елдерінде өз қолтаңбасын қалдырған. Мәскеудегі «Достық мәңгілік» композициясы, Нью-Йорктегі БҰҰ ғимараты алдында орнатылған «Жақсылық жамандықты жеңеді» мүсіні және Севильядағы «Жаңа адамның дүниеге келуі» сияқты туындылар – оның шығармашылық шеберлігінің айқын дәлелі.
