Фото: azattyq-ruhy.kz
Қорғаныс министрлігі «Алғашқы әскери және технологиялық дайындық» пәнін «Отан қорғаушы» деп өзгертіп, осы саладағы білімді жаңа деңгейге көтеруді жоспарлап отыр.
Айта кетейік, жаңартылған курс бағдарламасы 10–11 сынып оқушыларына арналған және жалпы 72 сағаттан тұрады. Бағдарламаға заманауи пәндер қосылады, олардың ішінде:
- «Әскери роботтар және жасанды интеллект»;
- «Ақпараттық қауіпсіздік негіздері»;
- «Қазақстан Республикасының Қарулы Күштері және Әскери доктринасы»;
- «Оқу-далалық модулі».
Бұл өзгерістер патриоттық тәрбиені күшейтуге, сондай-ақ жастардың әскери дайындығын арттыруға бағытталған. Қазіргі уақытта жоба Оқу-ағарту министрлігінде талқылану үстінде, ал курсты енгізу 2026–2027 оқу жылына жоспарланған.
