Лондондағы Курто өнер институты ғалымдарының айтуынша, Пикассо бір бейнені екінші бір көрініспен жымдастырып, «Матеу Фернандес де Сотоның портреті» атты туындысына құпия сыр жасырған. «Біз көптен бері бұл картинаның астарында басқа бейне бар деп күдіктеніп жүргенбіз. Себебі кенептің бетінде көрінбейтін, бірақ сезілетін іздер мен текстуралар бар. Кейін біз рентгендік талдау арқылы оның әйел сұлбасы екенін анықтадық. Бұл жаңалық тек бір картинаның сырын ашып қана қоймай, Пикассоның шығармашылық әдісін қайта зерделеуге жол ашады», деді Курто галереясының орынбасары Барнаби Райт.
