«WindCatcher» жүйесінің дәстүрлі жел турбиналарынан біршама айырмашылығы бар. Кәдімгі жел электр стансалары ірі турбиналарға сүйенсе, олардың орнатылуы мен қызмет көрсетуі қымбатқа түседі. «WCS» бұл мәселені шешу үшін бір үлкен турбинаның орнына бірнеше шағын генераторларды біріктірген. Әрқайсысының қуаты 1 МВт болатын турбиналар желдің қуатын 2,5 есе тиімді пайдаланады. Бұл тәсіл энергия өндірісін арттырып, қызмет көрсету шығындарын азайтады. Бір турбина істен шықса да, қалғандары жұмысын жалғастыра береді, ал жөндеу қымбат техниканы қажет етпейді. Жаңа жел электр стансасы 2029 жылға қарай Берген қаласының маңында іске қосылмақ. Оның қуаты – 40 МВт. Жылына 99 ГВт\сағ электр энергиясын өндіреді.
