Алдын ала мәлімет бойынша, жүргізушінің бірі қарсы қозғалыс жолағына шығып кетіп, басқа көлікпен соқтығысқан.
«Жол апаты салдарынан алты адам қаза тауып, зардап шеккен төрт адам түрлі дене жарақаттарымен Кентау қаласындағы медициналық мекемеге жатқызылды. Қазіргі уақытта сотқа дейінгі тергеу амалдары жүргізіліп, барлық мән-жайлар анықталып жатыр, оның қорытындысы бойынша процессуалдық шешім қабылданады», деп хабарлады Түркістан облысы полиция департаментінің баспасөз қызметі.
Ведомство барлық азаматтарды жол қозғалысы ережелерін сақтауға, белгіленген жылдамдықты асырмауға және қарсы жолаққа шықпауға шақырады.
