Зерттеушілер бұл экологиялық жанармайды химиялық жолмен қайта өңдеп, жасап шығарған. Жаңалықтың артықшылығы дәстүрлі реактивті отынға қарағанда, ауаға көмірқышқыл газы 80%-ға аз шығады. Мамандардың айтуынша, оны қолдану үшін ұшақты да, оның қозғалтқышын да жаңғыртудың қажеті жоқ. Тіпті мұнайдан өндірілген отынмен араластыруға болады. Алғашқы сынақ сәтті өтіп, қазір 12 әуе рейсі осы жанармайды қолданып жүр. Бірақ құны әзірге реактивті отыннан 5 есе қымбат.
Ең көне лотерея
Испанияда әйгілі «Эль Гордо» атты рождестволық лотерея ұтысы өтті. Биыл жүлде қоры 2 млрд 700 млн еуро. Ал сатылған билет саны 193 миллион.
Бұл лотерея 1812 жылдан бері өткізіліп келеді. Сондықтан аталған ұтыс ойыны испан халқы үшін дәстүрге айналған мереке іспетті. Осы кезде елге туристер ағылып, мемлекет экономикасы да қаржыға қарық болатын көрінеді.
Жүлде сомасы – 20-дан 400 мың еуроға дейін. 40 мың еуродан асатын ұтысқа 20% салық салынады.
Тик-Токқа тыйым
Албания билігі Тик-Ток желісін қолдануға тыйым салды. Тиісті шешім келер жылдың басында күшіне енеді.
Өткен айда мектептегі тәртіпсіздіктен кейін бұл мәселе қызу талқыланды. Естеріңізге сала кетейік, Тик-Ток арқылы оқушылар жанжалдасып, оның арты мектептегі төбелеске ұласқан еді. Соның салдарынан 14 жастағы жеткіншек көз жұмған. Осыдан кейін жергілікті билік Тик-Ток қосымшасын пайдалануға тыйым салатын заң жобасын қабылдады.
