Фото:freepik
«Жедел іздестіру шаралары барысында «Ш» есімді азамат адам саудасы үшін 400 мың теңге алып жатқан жерінде ұсталды. Ол екі мүгедек азаматты 2 жыл қайыр сұрауға мәжбүрлеген. Сондай-ақ ол осы адамдарды Шымкент қаласында сатып жатқан жерінде ұсталып, қамауға алынды», деп хабарлады Түркістан облысының прокуратурасы.
Сондай-ақ тағы 10 азаматтың адам саудасына қатысы бар-жоғы тексеріліп жатыр.
Бүгінде адам саудасы фактісі бойынша тергеп-тексеру жүріп жатыр, өзге ақпарат ҚПК 201-бабының талаптарына сай жарияланбайды.
