*Өткен жылы еліміздің 20 мыңға жуық азаматы шартты ақшалай көмекке ие болды. Денсаулық сақтау және әлеуметтік даму министрлігі хабарлағандай, Ақмола, Шығыс Қазақстан және Жамбыл облыстарында «Өрлеу» қанатқақты жобасының арқасында 3 843 отбасы немесе 19 909 азамат 413,3 млн. теңге көлемінде шартты ақшалай көмек алған.
*«Қазагромаркетинг» АҚ сыйақы мөлшерлемелерін субсидиялауға өтінімдер қабылдай бастады. Құрылымның баспасөз қызметі бұл субсидиялау мемлекетіміздің агроөнеркәсіптік кешенді дамыту жөніндегі «Агробизнес-2020» бағдарламасы аясында жүргізілетінін мәлімдеді.
*Астанада Жеңістің 70 жылдығына орай ардагерлер үшін 579 млн. теңге бөлінді. Қалалық жұмыспен қамту және әлеуметтік бағдарламалар басқармасының дерегінше, қарт майдангерлерді қолдау мақсатында кең ауқымды акциялар мен іс-шараларды өткізу жоспарланған. Бүгінде елордада Ұлы Отан соғысының 228 ардагері тұрып жатыр.
*Алматының 2015 жылғы бюджеті нақтыланды. Қалалық әкімдіктің баспасөз қызметі атап көрсеткендей, шаһар бюджеті – 434 млрд. 497 млн. 412,3 мың теңгені, оның ішінде бюджет шығындарын алып тастағандағы нақтылы бюджет 350 млрд. 841 млн. теңгені құрады.
*Қарағандылық кәсіпорындар Астанадағы ЭКСПО-2017 қалашығын салуға қатысады. «Астана ЭКСПО-2017» ҰҚ» АҚ басқармасының төрағасы Мұрат Омаровтың айтуынша, өңірдегі өндіріс орындары құрылысқа қажетті темір-бетон бұйымдарын, сэндвич панельдер, полиэтилен және престелген құбырлар, радиаторлар және арнайы киімдер жеткізіп бермек.
*Былтыр Оңтүстік Қазақстанда 405 мың шаршы метр тұрғын үй ел игілігіне ұсынылды. Облыстық құрылыс басқармасы басшысының міндетін атқарушы Ермек Қыдыров 2014 жылы салаға тартылған инвестиция көлемі 187 млрд. 614 млн. теңгеге жеткенін мәлім етті.
*Жамбыл облысында автобустарға GPS-бақылау орнатылып жатыр. Облыстық әкімдік үстіміздегі жылы бақылаудың бірыңғай жүйесін құруға 18,2 млн. теңге қаралғанын жеткізді. Бүгінде GPS жүйесі Тараздағы автобустардың 50 пайызына қойылған.
*Маңғыстау өңірінде маңызды құжат қабылданды. Аймақтағы мұнай өндіретін 7 кәсіпорын облыс әкімдігімен, кәсіподақтар кеңесімен және кәсіпкерлер палатасымен бірлесе отырып, жұмысшылардың еңбек құқықтарын қамтамасыз ету мақсатында меморандумға қол қойды. Аймақ басшысы Алик Айдарбаев мұны жоғары бағалады.
Хабарлар Үкімет, облыстық әкімдіктер сайттары мен «ҚазАқпарат» деректері бойынша дайындалды.
Соңғы жаңалықтар
Үкімет басшысы: БҚО-ны тасқын судан сақтай алдық. Келесі міндет – Атырауды қорғау
Үкімет • Бүгін, 19:22
Аймақтар • Бүгін, 18:35
АҚШ-та торнадо салдарынан 5 адам қаза тапты
Әлем • Бүгін, 18:08
«Таза Қазақстан»: Акцияға 27 мың адам қатысып жатыр
Экология • Бүгін, 18:00
Ресей түрмелерінде отырған қазақтарды соғысқа әкетіп жатқаны рас па?
Қоғам • Бүгін, 17:55
Аналар кеңесі экологиялық акцияға қолдау білдірді
Экология • Бүгін, 17:34
