Ақтөбеде жол қозғалысы ережелері бұзылуының 1303 фактісі анықталды

АҚТӨБЕ. 20 қаңтар. Ақтөбеде «Автобус» акциясы барысында жол қозғалысы ережелері бұзылуының 1303 фактісі анықталды. Бұл туралы egemen.kz тілшісі хабарлады. Үстіміздегі жылғы 15-17 қаңтар аралығында ішкі істер департаменті әкімішілік полиция басқармасының қызметкерлері Ақтөбе облысы аумағында «Автобус» жедел-алдын алу іс-шарасын өткізді. Аталған іс-шараның мақсаты – жолаушылар көліктерінің апаттылығын ескерту және жол қозғалысы қауіпсіздігін қамтамасыз ету. Іс-шара аясында жолаушылар мен жүктерді жүйелі және жүйесіз тасымалдауды жүзеге асыруға рұқсат құжаттарының бар-жоғы, автобустың техникалық жағдайы және олардың бекітілген талаптарға сәйкестігі, автобус жүргізушілерінің рейс алды медициналық және техникалық тексеруден өтуіне басты назар аударылды. «Автобус» профилактикалық іс-шарасын өткізу барысында әкімішілік полиция басқармасының жеке құрамы барлығы 1303 жол қозғалысы ережелерін бұзушылықты, оның ішінде жылдамдықты асыру ережесі бұзылуының 50 дерегін, 17 мас күйінде көлік құралын басқару дерегін және басқа жол қозғалысы ережелерін сақтамаушылықтарды анықтады. Анықталған жол қозғалысы ережелерін бұзған жүргізушілер әкімшілік жауапкершілікке тартылатын болады. Сатыбалды Сәуірбай. Дерек: egemen.kz. Сурет: idrive.kz.