Фото: видеодан скриншот
Оқыс оқиға бүгін таңғы сағат 9:00 шамасында болған.
«13 ақпан күні сағат 09:00 шамасында Райымбек даңғылының бойымен шығыс бағытта келе жатқан 54-бағыттағы автобус жүргізушісі алда келе жатқан 133-маршруттағы автобуспен, сондай-ақ Nexia көлігімен соқтығысты. 133-ші автобус инерция салдарынан қатарлас келе жатқан 88-бағыттағы автобуспен соқтығысқан», деп хабарлады Полиция департаменті.
Жарақат алғандар бар. Оларға медициналық көмек көрсетіліп жатыр. Жол-көлік оқиғасына байланысты Медеу аудандық Полиция департаменті тергеп-тексеруді бастады.
