Кино • 13 Наурыз, 2023

«Оскарды» кімдер алды?

Лос-Анджелестегі Dolby театрында Америкалық кино өнері академиясының 95-ші марапаттау рәсімі өтті. Әрине, онда әйгілі «Оскардың»

Маржан ӘБІШ

Дәстүрлі рәсімді америкалық актер, комик Джимми Киммел жүргізді. Айта кетерлігі, ұйымдастырушылар 2023 жылғы «Оскарды» табыстауда қанша жылдан бері төселіп келген қызыл кілемнен бас тартты. Оның орнына сары-алтын түсті кілем жайылды. Ұйымдастырушылардың айтуынша, бұл түс тыныштық пен бейбітшіліктің белгісіндей әсер қалдырады. Еске салсақ, әйдік сыйлықтың кілемінің түсі сонау 1960 жылдан бері бірінші рет ауысып отыр.

Сонымен биылғы «Оскар» кімдерге бұйырды? «Үздік анимациялық фильм» – «Пиноккио» (Гильермо дель Торо), «Үздік қосалқы актер» – Ке Хюи Куан («Барлығы барлық жерде және бірден»), «Үздік қосалқы актриса» – Джейми ли Кертис («Барлығы барлық жерде және бірден»), «Ең үздік қысқаметражды фильм» – «Ирландша қоштасу», «Үздік операторлық жұмыс» – «Батыс майданда өзгеріс жоқ» (Джеймс Френд), «Ең үздік грим мен шаш үлгісі» – «Кит», «Үздік костюмдер» – «Қара Пантера: Ваканда мәңгіге», «Шет тіліндегі үздік фильм» – «Батыс майданда өзгеріс жоқ» (Германия), «Үздік қысқаметражды деректі фильм» – «Пілдер сиқыршысы», «Үздік қысқаметражды анимациялық фильм» – «Бала, көртышқан, түлкі және жылқы», «Ең үздік қоюшы-дизайнер жұмысы» – «Батыс майданда өзгеріс жоқ», «Үздік саундтрек» – «Батыс майданда өзгеріс жоқ», «Үздік қоюшы-суретші жұмысы» – «Батыс майданда өзгеріс жоқ», «Үздік визуалды эффектілер» – «Аватар: Су жолы», «Үздік түпнұсқа сценарий» – «Барлығы барлық жерде және бірден», «Үздік бейімделген сценарий» – «Әйелдер сөйлеп тұр», «Үздік дыбыс» – «Топ Ган: Мэверик», «Үздік ән» – үндістандық RRR фильміндегі «Naatu Naatu» әні, «Үздік монтаж» – «Барлығы барлық жерде және бірден», «Үздік режиссер» – «Барлығы барлық жерде және бірден» фильмінің режиссерлері Дэниел Кван мен Дэниел Шайнерт, «Үздік актер» – Брендан Фрейзер («Кит»), «Үздік актриса» – Мишель Йео («Барлығы барлық жерде және бірден»), «Үздік фильм» – «Барлығы барлық жерде және бірден» фильмі атанды.