Алматы облысы Төтенше жағдайлар департаментінің хабарлауынша, кезекші бөлімшенің басқару пультіне Райымбек ауылдық округі, Көкласай саяжайы маңында өрт шыққаны туралы хабарлама таңғы сағат 10.00-де түскен.
«Оқиға орнына дереу Төтенше жағдайлар департаментінің 12 қызметкері мен үш арнайы техника жөнелтілді. Сонымен қатар Іле-Алатау ұлттық табиғи паркінің 20 қызметкері мен арнайы төрт өрт сөндіру техникасы жіберілді.
Өрт сөндірушілері аталған орынға 10.39-да жеткен. Кейін тау баурайында, шамамен 10 га аумақта шөп бағанасында өрт шыққаны анықталды. Елді мекендерге қауіп төніп тұрған жоқ», деді министрліктің баспасөз қызметі.
Қазір өрт сөндіру жұмыстары жалғасуда.
