Оқиға • 19 Мамыр, 2022

Алматы облысында қоқыс арасынан 5 жасар қыздың денесі табылды

545 рет

көрсетілді

1 мин

оқу үшін

17 мамырда Алматы облысы Сарқан ауданында қоқыс үйіндісінен 5 жасар қыздың денесі табылды, деп хабарлайды Egemen.kz.

Гауһар ҚАПАШ

Алматы облысында қоқыс арасынан 5 жасар қыздың денесі табылды

Полицейлер бала мен оның анасының жеке басын анықтады. Баланың анасы 19 жастағы жергілікті тұрғын болып шыққан. Оның айтуынша, қызы 2017 жылы дүниеге келген. Ол церебральді сал ауруына шалдыққан, сондай-ақ балада туа біткен ақыл-ой кемістігі болған.

Биыл ақпанда бала ауырып, кенет қайтыс болған. Сондықтан әйел ағасымен бірге қызды қала шетіне жасырын түрде жерлеген.

«Қажет сараптамалар тағайындалды. Тергеу ҚР ҚК 99-бабы («Кісі өлтіру») бойынша жүргізіледі. Қылмыстық іс облыстық Полиция департаментінің ерекше бақылауына алынды. Күдіктілердің екеуі де аудандық полицияға жеткізілді», деді Алматы облыстық полиция департаментінің баспасөз қызметі өкілі.